Tacaíonn Glór na nGael le grúpaí súgartha gurb í an Ghaeilge teanga na ngrúpaí sin.

Tugann na grúpaí súgartha a fheidhmíonn le Gaeilge deis do pháistí tús a chur le foghlaim scileanna sóisialta agus an Ghaeilge a chloisteáil i suíomh nadúrtha taobh amuigh den bhaile. Bíonn tuismitheoirí ábalta sult a bhaint as caidreamh agus líonra tacaíochta a chruthú

Is íosmhéid de chúig theaghlach a bheidh páirteach i ngach grúpa. Is féidir go bhfuil Gaeilge líofa, Gaeilge mheasartha ag tuismitheoirí agus iad ag iarraidh feabhas a chur lena gcumas nó iad ar bheagán Gaeilge ach gur mian leo caighdeán níos airde a bhaint amach. Tá áit ann dóibh sa scéim seo.

Is iad aidhmeanna an ghrúpa súgartha:

1. Timpeallacht spreagúil a chruthú do pháistí óga, ina bhfuil siad in ann bualadh le chéile agus bheith ag spraoi go sábháilte agus go compordach;
2. Páistí a spreagadh chun an Ghaeilge a úsáid;
3. Deis a thabhairt do thuismitheoirí a bhfuil Gaeilge acu, í a úsáid le tuismitheoirí eile;
4. Cabhrú le sealbhú agus cothú Gaeilge na bpáistí, i suíomh nádúrtha;
5. Nasc teanga a chothú idir na páistí agus an tuismitheoir; agus
6. Tuismitheoirí a mhealladh chun an rogha dearfach a dhéanamh an Ghaeilge a labhairt sa bhaile.

Má tá suim agat grúpa súgartha a bhunú, tá oifigigh fhorbartha Ghlór na nGael ar fáil le comhairle agus tacaíocht a sholáthar. Is féidir teagmháil a dhéanamh linn ar marcas@glornangael.ie