Scoil Foraoise, Bun na Coille, Baile Átha Cliath – Dé Sathairn 6 Deireadh Fómhair

Tá an rannóg Theanga Tí de chuid Ghlór na nGael ag eagrú an dara Scoil Foraoise i gcomhpháirtíocht le Sinéad Ní Chofaigh, tar éis an éacht a bhí sa chéad Scoil Foraoise i bPáirc Bun na Coille, An Chéim i rith an tSamhraidh. 

Beidh an ócáid seo ar siúl an Domhnach beag seo, 6 Deireadh Fómhair, do Líonra Leamhcán. Tá na spásanna líonta anois agus léiríonn sé seo an t-éileamh agus an suim atá ag an bpobal i dteagasc éiceolaíoch trí mheán na Gaeilge. Spreagann na himeachtaí seo feasacht ar an éiceachóras áitiúil, le béim ar luach na foraoise agus an dúlra, mar aon le húsáid nádúrtha na teanga.

Bhí an chéad Scoil Foraoise ina sár-imeacht. Thug Sinéad Ní Chofaigh cuairt ghníomhach ar an bhforaois, ag múineadh faoi na plandaí dúchasacha, ainmhithe agus an tábhacht a bhaineann leis an gcomhshaol áitiúil. Bhí sé deartha do theaghlaigh, rud a chothaigh timpeallacht foghlama idirghlúine ina raibh fáilte roimh gach duine sa teaghlach foghlaim faoi thábhacht na bithéagsúlachta agus é a dhéanamh as Gaeilge.

Cuireann Sinéad cur chuige iomlánaíoch chun cinn, áit a nascann sí oideachas comhshaoil le cothú na Gaeilge. Bíonn an Ghaeilge mar uirlis nádúrtha ag na rannpháirtithe agus iad ag iniúchadh ar an timpeallacht. Cothaíonn sé seo tuiscint níos doimhne ar an gcomhshaol áitiúil, ag nascadh daoine le nádúr agus cultúr na háite ar bhealach fíor-luachmhar.

Mar gheall ar an éileamh mór ar an dara Scoil Foraoise, tá muid ag súil go leanfar le himeachtaí eile amach anseo, a thugann an deis do phobail éagsúla a n-éiceachórais áitiúla a cheiliúradh agus an Ghaeilge a labhairt le chéile. 

Tá an rannóg Theanga Tí de chuid Ghlór na nGael ar fáil do phobail ar mhaith leo ócáidí comhchosúla a eagrú. Má tá suim agat ócáid a reáchtáil i do cheantar, is féidir teagmháil a dhéanamh linn ar marcas@glornangael.ie. Má tá tú ag tógáil clainne le Gaeilge i mBaile Átha Cliath agus tá tuilleadh eolais uait faoin tacaíocht atá ar fáil, bí i dteagmháil le Tara: tara@glornangael.ie 

Tara Dunne-Uí Adhmaill