Blog Archives

Cáit Ní Choirbhín

Dara Ó Baoill Posted On May 17, 2023

Rugadh agus tógadh Cáit ar an Lorgain i dTuaisceart chontae Ard Mhacha. Tá céad chéim ónóracha aici sa Ghaeilge agus an Léann Cheilteach agus Máistreacht taighde i bhfoghraíocht agus fóineolaíocht na Gaeilge bainte amach aici ó Ollscoil na Ríona i mBéal Feirste. Chaith sí na blianta luath dá saol oibre ag obair mar chúntóir Gaeilge i meánscoileanna ó Thuaidh agus chaith sí bliain go leith ag obair mar Oifigeach Forbartha na Gaeilge i gCathair Ard Mhacha. Lasmuigh den obair bíonn Cáit ag imirt peile agus ag feidhmiú mar Oifigeach Caidrimh Phoiblí dá club – Naomh Peadar ar an Lorgain.

Honoria Ní Mháille

Dara Ó Baoill Posted On May 17, 2023

Is as Baile an Tobair i gcontae Mhaigh Eo í Honoria. Bhain sí céim amach sa nGaeilge agus i Leann an Aistriúcháin in Ollscoil na Gaillimhe. Tá sí ag obair leis an rannóg pobail ag tabhairt cúnamh do choistí pobail agus do chlubanna CLG. Tá Honoria ag feidhmiú ar son Ghlór na nGael i gCúige Chonnacht.

Irial Ó Ceallaigh

Dara Ó Baoill Posted On February 8, 2023

Is as an Rinn i gContae Phort Láirge Irial ach é anois lonnaithe in áit dhúchais a mháthair, Béal Feirste. Tá Máistreacht aige ó OÉ Chorcaigh i bPolasaí Poiblí agus bunchéim sa Stair agus Pholaitíocht. Tá sé sáite i saol na Gaeilge le 10 mbliana anuas. É mar laithreoir le TG4, craoltóir spóirt agus iar-oifigeach pleanála teanga. Taobh amuigh den obair, is Rúnaí é ar CLG Oirthear Bhéal Feirste agus bíonn sé ag múineadh amhránaíochta.
Tá sé fostaithe sa rannóg forbartha pobail agus ag feidhmiú as oifig Bhéal Feirste. Na contaetha atá faoina chúram ná: Aontroim, An Dún, Ard Mhacha, An Cabhán, Muineachán agus Contae Lú.

Ceithleann Ní Dhuibhir Ní Dhúlacháin

Dara Ó Baoill Posted On May 6, 2022

Rugadh Ceithleann i mBaile Átha Cliath ach tógadh í i nGaoth Dobhair. Tá sí ag obair mar Oifigeach Forbartha sa Rannóg Teaghlaigh ‘Teanga Tí’ agus í ag freastal ar réigiún an Oirthuaisceart. Tá máistreacht aici i Scríobh agus Cumarsáid na Gaeilge ó Choláiste na hOllscoile Baile Átha Cliath, agus bunchéim sa Ghaeilge agus an Léann Éireannach. Chaith sí nach mór trí bliana ag obair le Gael Linn i mBaile Átha Cliath leis an scéim ‘Gaelbhratach’ agus le scéimeanna oideachasúla na heagraíochta. Roimhe sin chaith sí seal ag obair le Cois Life, An Siopa Leabhar agus Apple. Tá Ceithleann mar mheantóir le Gaeltacht UCD agus tá sí mar bhall de chomhairle lucht féachana TG4. Tá suim aici sna meáin, sa cheol agus is maith léi a bheith ag taisteal.

Colm Ó Neasa

Dara Ó Baoill Posted On February 17, 2022

Is as ceantar Iorras Aithneach é Colm Ó Neasa. Tá an-suim aige i gcúrsaí cultúir, teanga agus spóirt. D’oibrigh sé mar mhúinteoir staire agus Gaeilge agus tá sé gníomhach ar go leor coistí ar mhaithe leis an teanga a chothú. Tá céimeanna san oideachas agus sa Ghaeilge aige agus tá saothar foilsithe aige ina theanga dúchais chomh maith.

Áine Ní Éanaí

Dara Ó Baoill Posted On March 11, 2021

Tá ról ag Áine mar Riarthóir Oifige do Glór na nGael. Is as Ráth Cairn di, áit ar fhreastail sí ar scoil agus a bhfuil cónaí uirthi anois. Chomh maith le bheith ag obair san oifig i Ráth Cairn, oibríonn Áine le Údar.ie – siopa ar líne atá á reáchtáil ag Glór na nGael agus a dhíolann cluichí agus táirgí Gaeilge lena gcustaiméirí.

Sara Ní Chuireáin

Dara Ó Baoill Posted On February 25, 2020

Is as Gaoth Dobhair i dTír Chonaill do Sara Ní Chuireáin ó dhúchas. Tá Céim Bhaitsiléara i nGaeilge aicí ó Ollscoil Uladh. Roimh post a fháil le Glór na nGael d’oibrigh sí le Cultúrlann Uí Chanáin i nDoire agus le Conradh na Gaeilge Boirche Íochtar i Co. An Dúin. Bhí sí ar choiste Foyle Pride i nDoire agus tá sí mar oifigeach Gaeilge ag CLG Ghaoth Dobhair. Thosaigh sí mar Oifigeach Forbartha le Glór na nGael sa rannóg pobail i 2019.

Seán Ó Cuirrín

Dara Ó Baoill Posted On February 4, 2020

Is as ceantar Iorras Aithneach i gConamara é Seán Ó Cuirrín. Is ag múinteoireacht a chaith sé formhór a shaol oibre, ag teagasc tír eolais agus corp oideachas. Tá an-suim i gcúrsaí spóirt aige, go háirithe sna cluichí Gaelacha ó thosaigh sé ag imirt do Chárna/Caiseal ag aois óg. Is cainteoir dúchais é agus tá an-chion agus suim aige i gcúrsaí Gaeilge agus Gaeltachta. Is é an tOifigeach Forbartha i gceantar Mhaigh Eo agus Gaillimh.

Pádraig Ó Neachtain

Frainc Cionnaith Posted On November 25, 2019

Tá Pádraig Ó Neachtain ag obair leis an Rannóg Pobail agus leis an Rannóg Teaghlaigh, ag cuidiú le coistí agus grúpaí pobail, clubanna CLG chomh maith le solathar Ghlór na nGael do theaghlaigh Gaeilge. Tá Pádraig ag feidhmniú ar son Ghlór na nGael i gCiarraí, Luimneach agus Co. an Chláir.

Seán de Paor