Grianghrafadóireacht an Ghrá

Ní raibh mise ach naoi mbliana déag nuair a thóg mé pictiúir bhainise den chéad uair. Is ormsa a bhí an t-ádh mar tá mé ag tógáil ó shoin agus taitníonn an obair thar cionn liom. In imeacht na mblianta d'fhoghlaim mé céard a choinníonn cliaint sásta agus chuaigh sé sin chun tairbhe do mo ghnó. Bíonn cúplaí gealgháireacha soineanta le feiceáil sna pictiúir bhainise a bhíonn tógtha agam agus is fianaise é sin ar an mbaint a bhíonn agam leis na cliaint roimh lá na bainise, le linn na bainise agus ina dhiaidh sin. Bím discréideach i mbun mo chuid oibre. Déanfaidh mé an obair de réir mar a fheilfeas daoibhse.