Marketing

Cáit Ní Choirbhín

Dara Ó Baoill Posted On May 17, 2023

Rugadh agus tógadh Cáit ar an Lorgain i dTuaisceart chontae Ard Mhacha. Tá céad chéim ónóracha aici sa Ghaeilge agus an Léann Cheilteach agus Máistreacht taighde i bhfoghraíocht agus fóineolaíocht na Gaeilge bainte amach aici ó Ollscoil na Ríona i mBéal Feirste. Chaith sí na blianta luath dá saol oibre ag obair mar chúntóir Gaeilge i meánscoileanna ó Thuaidh agus chaith sí bliain go leith ag obair mar Oifigeach Forbartha na Gaeilge i gCathair Ard Mhacha. Lasmuigh den obair bíonn Cáit ag imirt peile agus ag feidhmiú mar Oifigeach Caidrimh Phoiblí dá club – Naomh Peadar ar an Lorgain. 

Honoria Ní Mháille

Dara Ó Baoill Posted On May 17, 2023

Is as Baile an Tobair i gcontae Mhaigh Eo í Honoria. Bhain sí céim amach sa nGaeilge agus i Leann an Aistriúcháin in Ollscoil na Gaillimhe. Tá sí ag obair leis an rannóg pobail ag tabhairt cúnamh do choistí pobail agus do chlubanna CLG. Tá Honoria ag feidhmiú ar son Ghlór na nGael i gCúige Chonnacht.

Colm Ó Neasa

Dara Ó Baoill Posted On February 17, 2022

Is as ceantar Iorras Aithneach é Colm Ó Neasa. Tá an-suim aige i gcúrsaí cultúir, teanga agus spóirt. D’oibrigh sé mar mhúinteoir staire agus Gaeilge agus tá sé gníomhach ar go leor coistí ar mhaithe leis an teanga a chothú. Tá céimeanna san oideachas agus sa Ghaeilge aige agus tá saothar foilsithe aige ina theanga dúchais chomh maith.

Áine Ní Éanaí

Dara Ó Baoill Posted On March 11, 2021

Tá ról ag Áine mar Riarthóir Oifige do Glór na nGael. Is as Ráth Cairn di, áit ar fhreastail sí ar scoil agus a bhfuil cónaí uirthi anois. Chomh maith le bheith ag obair san oifig i Ráth Cairn, oibríonn Áine le Údar.ie – siopa ar líne atá á reáchtáil ag Glór na nGael agus a dhíolann cluichí agus táirgí Gaeilge lena gcustaiméirí.

Dara Ó Baoill

Eóin Lennon Posted On January 22, 2018

Tógadh Dara i gCois Fharraige, Co. na Gaillimhe. Chaith sé dhá bhliain mar Oifigeach Forbartha agus ceithre bliana mar Oifigeach Cumarsáide & Acmhainní Daonna le Glór na nGael. Roimhe sin bhí baint aige leis na meáin, idir teilifís agus nuachtáin in Éirinn agus sa Fhrainc.

Donach Ó Lonargáin

Eóin Lennon Posted On January 22, 2018

Donach Ó Lonargáin is the co-ordinator of the COGG Van. This is a library of books and articles in the Irish language for schools, funded by COGG and the van is available for school visits to give teachers an opportunity to view the latest teaching aids and the best available for the teaching of Irish.

Caitríona Nic Seoin

Eóin Lennon Posted On January 22, 2018

Is as Gleann Cholm Cille i nGaeltacht Iardheisceart Co. Dhún na nGall do Chaitríona Nic Seoin. Tá Céim Bhaitsiléara i nGaeilge & Dlí aici ó Ollscoil na hÉireann, Gaillimh agus Céim Mháistir i bPleanáil Teanga. Bhí sí cúig bliana mar Oifigeach Forbartha Teanga le Lár Chomhairle Paróiste Ghleann Cholm Cille agus dhá bhliain le Foras na Gaeilge i nGaoth Dobhair sula thosaigh sí le Glór na nGael. Mar Oifigeach Caidrimh Poiblí & Oifigeach Gaeilge le CLG Naomh Columba ar feadh seacht mbliana, bhí sí lárnach in eagrú Comórtas Peile na Gaeltachta 2008. Craolann sí fógraí óna ceantar dúchais do Camchuairt ar RTÉ Raidió na Gaeltachta.

Áinín Uí Chaiside

Eóin Lennon Posted On January 22, 2018

Rugadh agus tógadh Áinín Uí Chaiside ar an Ghráinseach Mhór i gCo. Ard Mhacha. Tá Céim Bhaitsiléara agus Céim Mháistir aici sa Ghaeilge agus sa Léann Ceilteach ó Ollscoil na Ríona agus PGCE ó Coláiste Mhuire, Béal Feirste. Bhí sí cúig bliana mar mhúinteoir Gaeilge meánscoile agus seal mar Oifigeach Forbartha sa Roinn Cultúr, Ealaín agus Fóillíochta ó thuaidh. Thosaigh sí mar Oifigeach Forbartha le Glór na nGael in 2014. Is maith le Áinín bheith ag léamh, ag taisteal agus tá an-suim aici i gcúrsaí oidhreachta agus timpeallachta.