Cultúrlann McAdam Ó Fiaich – Buaiteoirí Chomórtas Ghlór na nGael
D’fhógair Cathaoireach Ghlór na nGael, Pádraig Ó Ciardha Príomhbhuaiteoirí Chomórtas Naisiúnta Ghlór na nGael ar chlár speisialta a craoladh inniu ar Facebook Beo i gcuideachta Uachtarán na hÉireann, Micheál D Ó hUigínn.
B’iad Cultúrlann McAdam Ó Fiaich, Bóthar na bhFál, Béal Feirste a thug leo príomhdhuais Ghlór na nGael, €20,000 agus Trófaí Ghlór na nGael. Duaischiste de luach €80,000 san iomlán a bronntar ag ócáid bhliantúil Ghlór na nGael ar choistí pobail agus cumainn 3ú leibhéal, mar aitheantas ar sár-obair i gcur chun cinn na Gaeilge de.
Ag tréaslú do na coistí pobail uilig thug Uachtarán na hÉireann, Micheál D. Ó hUiginn aitheantas don díograis agus don obair a dhéanann siad. “Mar Uachtarán na hÉireann bím i dteagmháil leis na mílte daoine fud fad na tíre agus feicim chuile lá toradh bhur n’iarrachtaí ar son na teanga. Tá an Ghaeilge beo i ngach réimse de shaol na tíre seo agus cé go bhfuil neart oibre fós le déanamh againn aithním go bhfuil aibíocht tagtha le blianta beaga anuas i measc an daonra i gcoitinne agus an sean frithgaelachas ag cúlú.”
Rinne an t-Uachtarán comhghairdeas ar leith le Cultúrlann McAdam Ó Fiaich ag rá “inniu tá sé (an Cultúrlann) mar larionad don phobal agus mar eiseamláir don tír ar fad ar conas ár gcultúr agus ár dteanga a neartú”.
Tá mórdhuaiseanna eile bainte ag Ionad Naomh Pádraig, Dobhar, Co. Dhún na nGall, Coiste Forbartha Charn Tóchair, Co. Dhoire agus Cairde Teo, Ard Mhacha.
Is iad An Cumann Gaelach, Ollscoil na hÉireann, Gaillimh a bhain an príomhdhuais €3,000 i gcomórtas na gCumann Gaelacha sna hInstitiúidí Triú Leibhéal, urraithe an An Roinn Oideachais agus Scileanna.
Is féidir breathnú siar ar an gclár speisialta seo a comhchraoladh beo ar Facebook ar ardáin Molscéal TG4, Foras na Gaeilge, An Roinn Cultúir Oidreachta agus Gaeltachta agus Glór na nGael.
Chomh maith leis an Uachtarán, labhair ionadaithe ó na príomhurraitheoirí, An Roinn Cultúir, Oidhreachta agus Gaeltachta agus Foras na Gaeilge.
Liosta na dTorthaí, 2019
Príomhbhuaiteoir Chomórtas Náisiúnta Ghlór na nGael 2019
Cultúrlann McAdam Ó Fiaich
Coistí le Daonra faoi bhun 4,000
1ú Duais Coiste Forbartha Charn Tóchair, Co. Dhoire €4,000
2ú Duais Glór Uachtar Tíre, Co. an Dúin €3,000
3ú Duais Glór na Speiríní, Co. Dhoire €2,000
Coistí le Daonra 4,000 – 20,000
1ú Duais Cairde Teo., Ard Mhacha €4,000
2ú Duais Muineachán le Gaeilge €3,000
3ú Duais Pobal ar a’n Iúil, Co. Thír Eoghain €2,000
Coistí le Daonra os cionn 20,000
1ú Duais Cultúrlann McAdam Ó Fiaich, Béal Feirste €4,000
2ú Duais Glór na Móna, Béal Feirste €3,000
3ú Duais Cultúrlann Uí Chanáin, Doire €2,000
Coistí Gaeltachta (Urraithe ag Údarás na Gaeltachta)
1ú Duais Ionad Naomh Pádraig, Dobhar, Dún na nGall €4,000
2ú Duais Comharchumann Forbartha Chorca Dhuibhne/
Oidhreacht Chorca Dhuibhne, Co. Chiarraí €3,000
3ú Duais Comharchumann Mhic Dara, An Cheathrú Rua, Co. na Gaillimhe €2,000
Duaiseanna Speisialta
Duais Ógras Club Óige an Fháirche, Co. na Gaillimhe €1,000
Urraithe ag Ógras
Duais an Timire Cumann Forbartha Chois Fharraige €700
Urraithe ag an Timire
Duais an Oireachtais Muineachán le Gaeilge €500
Urraithe ag Oireachtas na Gaeilge
Duais an Fháinne Glór Locha Riach, Co. na Gaillimhe Dearbhán €500
Urraithe ag Gael Linn
Duais Cho. Co. Dhún na nGall Áislann Rann na Feirste, Co. Dhún na nGall €1,500
Urraithe ag Comhairle Contae Dhún na nGall
Duais Cho. Cho. na Gaillimhe Craobh Mhaigh Cuilinn, Co. na Gaillimhe €1,500
Urraithe ag Comhairle Chontae na Gaillimhe
Duais Chló Iar-Chonnacht Glór Ghleannta Liatroma , Co. Liatroma Dearbhán €1,000
Urraithe ag Cló Iar-Chonnacht
Duais Chomhairle na Gaelscolaíochta Ionad Uíbh Eachach, Béal Feirste £1,500
Urraithe ag Comhairle na Gaelscolaíochta
Duais COGG Comhchoiste Ghaeltacht Uíbh Ráthaigh, Co. Chiarraí €2,000
Urraithe ag an gComhairle um Oideachas Gaeltachta & Gaelscolaíochta
Duais an Fhorais Pat. Sult na Sollán, Cill Dara €1,000
Urraithe ag an bhForas Pátrúnachta
Duais Chonradh na Gaeilge Comharchumann Ráth Chairn, Co. na Mí €1,000
Urraithe ag Conradh na Gaeilge
Duais do na Coistí Deonacha is Fearr – €1,500 an ceann
Cúige Uladh Coiste Forbartha Chnoc Fola, Co. Dhún na nGall
Cúige Chonnacht Craobh Mhaigh Cuilinn, Co. na Gaillimhe
Cúige Mumhan Glór na nGael Chlochán Bhreanainn, Co. Chiarraí
Cúige Laighean Sult na Sollán, Cill Dara
Iontráil Nua is fearr €1,000 – Comhaltas Chosanta Chúil Aodha, Co. Chorcaí
Gradam Ghlór na nGael – Helen Ó Murchú agus Bláthnaid Ó Brádaigh