Cuireadh chun tairisceana – Staidéar ar éifeachtacht agus tionchar Fondúireacht Sheosaimh Mhic Dhonncha ó bunaíodh í
Fondúireacht Sheosaimh Mhic Dhonncha (FSMD)
Cuireadh chun tairisceana
Fáilteoidh Glór na nGael roimh iarratas ó chomhairleoirí agus ó thaighdeoirí leis an saineolas cuí chun staidéar a dhéanamh ar FSMD. Staidéar a bheidh i gceist ar a héifeachtacht agus ar a tionchar i gclubanna an CLG agus ar na ceantair ina bhfuil siad ag feidhmiú, ie, suíomhanna Gaeltachta, tuaithe, cathrach agus uirbeach sna 32 contae.
Bunaithe in 2017 mar chomhpháirtíocht idir Glór na nGael agus Cumann Lúthchleas Gael, tá níos mó ná 800 gclub CLG tar éis clárú le Fondúireacht Sheosaimh Mhic Dhonncha agus infheistíocht €500,000+ déanta go dáta i scéimeanna agus gníomhaíochtaí éagsúla Gaeilge.
De thoradh na ndeontas atá ceadaithe thar na blianta cuireadh tús le ranganna Gaeilge, grúpaí amhránaíochta, clubanna óige, gréasáin teaghlaigh agus neart eile i gclubanna CLG fud fad na tíre.
Ní ionann Fondúireacht na bliana 2017 agus scéim an lae inniu, 2024. Tá fás suntasach tagtha ar rannpháirtíocht na gcumann sa scéim, le 85 club in 2017, agus 253 club in 2023.
Tá an Fhondúireacht maoinithe ag Roinn Turasóireachta, Cultúir, Ealaíon, Gaeltachta agus na Meáin agus Foras na Gaeilge.
- Réamhrá
Cuspóir na Tairisceana:
Tá moltaí á lorg le haghaidh staidéar taighde cuimsitheach ar éifeachtacht agus ar tionchar Fondúireacht Sheosaimh Mhic Dhonncha.
Cúlra:
Cé gurb eagrais spóirt iad clubanna de chuid CLG go príomha tá dualgais orthu i leith na Gaeilge agus i leith an chultúir ghaelaigh a chur chun cinn i measc rudaí eile.
Bunaíodh Fondúireacht Sheosaimh Mhic Dhonncha mar thacaíocht do chlubanna CLG an Ghaeilge a chur chun cinn ar bhonn tomhaiste agus pleanáilte. Tá tacaíocht faighte ag an scéim ón Roinn Turasóireachta, Cultúir, Ealaíon, Gaeltachta, Spóirt agus Meán agus ó Fhoras na Gaeilge.
Tá sé mar aidhm ag an taighde seo tionchar agus éifeachtacht na Fondúireachta i gcomhlíonadh a cuid spriocanna a mheas.
____________________________________________________________________________
- Raon Oibre
Cuspóirí: Is é príomhchuspóir an taighde seo ná éifeachtacht na Fondúireachta a mheas i gcomhlíonadh a cuspóir bhunaithe agus a tionchar ar úsáid na Gaeilge sa CLG a thomhais.
Cur Síos Mionsonraithe:
- Lorgófar tuairimí i leith FSMD ó
- agallaimh le baill foirne Páirc an Chrócaigh atá ag plé le FSMD
- agallaimh le baill foirne Ghlór na nGael atá ag plé le FSMD
- agallaimh le méid áirithe grúpaí pobail Gaeilge atá ag feidhmiú in abhantracht club CLG cláraithe le FSMD
- Samhlaítear go ndéanfar suas le 30 agallamh le clubanna, a chlúdóidh na ceantair seo a leanas
- na ceithre cúigí
- cathair
- baile uirbeach
- tuaithe
- Gaeltacht
- sé chontae
- Oileán
- Cothromaíoch idir leibhéal óir, airgid agus cré uamh
- Modheolaíocht a fhorbairt agus a chur i bhfeidhm chun tionchar na Fondúireachta a mheas, lena n-áirítear modhanna taighde cáilíochtúla agus cainníochtúla
- Athbhreithniú litríochta a dhéanamh ar thuairiscí agus cáipéisí atá ann cheana a bhaineann leis an bhfondúireacht
- Athbhreithniú a dhéanamh ar fhíricí maoinithe agus gníomhaíochta atá ar fáil ó chóras inmheánach Salesforce Ghlór na nGael
- Moltaí chun feabhais do riaradh na scéime amach anseo
Torthaí:
- Tuairisc thionscnaimh ag leagan amach an phlean taighde agus an modheolaíocht
- Tuairisc eatramhach a thugann torthaí tosaigh
- Tuairisc deiridh ag tabhairt sonraí ar thorthaí an taighde, anailís agus moltaí maidir le todhchaí na Fondúireachta
- Cur i láthair na tuairisce deiridh do bhord Ghlór na nGael agus do pháirtithe leasmhara na Fondúireachta
Amlíne
- Tuairisc Tionscnaimh: 31/10/2024
- Tuairisc Eatramhach: 31/01/2025
- Tuairisc Dheiridh: 31/03/2025
- Cur i Láthair: 30/04/2025
____________________________________________________________________________
- Critéir Incháilitheachta
Taithí agus Cáilíochtaí:
- Taithí chruthaithe i dtaighde comhchosúil
- Saineolas i modheolaíochtaí taighde cáilíochtúla agus cainníochtúla
- Eolas ar an réimse sonrach ar a ndíríonn an Fhondúireacht (m.sh., lucht CLG, an Ghaeilge, cultúr)
- Scileanna anailíseacha láidre agus scileanna scríbhneoireachta tuairisce
Cumais Theicniúla:
- Rochtain ar uirlisí agus acmhainní taighde riachtanacha
- Cumas dul i dteagmháil le réimse leathan páirtithe leasmhara
Riachtanais Comhlíonta:
- Cloí le caighdeáin eiticiúla taighde
- Comhlíonadh rialacháin cosanta sonraí
- Is trí mheán na Gaeilge a bheidh an tuarascáil scríofa
- Beifear ag lorg tuarascáil chríochnaithe ar chaighdeán infhoilsithe ag an deireadh
____________________________________________________________________________
- Treoirlínte Aighneachta
Formáid:
- Togra Teicniúil: Modheolaíocht mhionsonraithe, plean oibre agus amlíne
- Togra Airgeadais: Miondealú buiséid agus údar
- CVanna na bpríomhphearsanra atá bainteach leis an tionscadal
Cáipéisí Riachtanacha:
- Tograí Teicniúla agus Airgeadais
- Cruthúnas ar cháilíochtaí agus taithí
- Tagairtí ó thionscadail chomhchosúla roimhe seo
Spriocdháta Aighneachta: Caithfidh aighneachtaí a bheith faighte faoin 31 Lúnasa 2024.
Modh Aighneachta: Caithfear aighneachtaí a sheoladh trí ríomhphost chuig lorcan@glornangael.ie
____________________________________________________________________________
5. Critéir Mheasúnaithe
Próiseas Roghnúcháin: Déanfaidh Glór na nGael measúnú ar na tograí bunaithe ar na critéir seo a leanas:
Critéir:
- Tuiscint ar an tionscadal agus a chuspóirí
- Daingne agus indéantacht na modheolaíochta molta
- Taithí agus cáilíochtaí an fhoireann taighde
- Éifeachtúlacht costais an togra airgeadais
- Cumas an amlíne tionscadail a chomhlíonadh
Meáchan:
- Modheolaíocht: 40%
- Taithí agus Cáilíochtaí: 30%
- Togra Airgeadais: 20%
- Amlíne: 10%
____________________________________________________________________________
- Téarmaí agus Coinníollacha Conartha
Beidh uasmhéid buiséad €10,000, CBL san áireamh, ar fáil don saothar seo.
Téarmaí Íocaíochta: Déanfar íocaíocht i dtráthchodanna, nasctha le comhlánú torthaí ar leith:
- 20% ar sheachadadh na tuairisce tionscnaimh
- 30% ar sheachadadh na tuairisce eatramhaí
- 40% ar sheachadadh na tuairisce deiridh
- 10% ar chur i láthair na dtorthaí
Fad an Chonartha: Beidh an conradh éifeachtach ó 31/10/2024 go dtí 31/05/2025. Le deimhniú
Rúndacht: Caithfidh an taighdeoir(í) cloí le comhaontuithe rúndachta chun sonraí agus torthaí na fondúireachta a chosaint.
Maoin Intleachtúil: Beidh gach maoin intleachtúil a ghineann an taighde faoi úinéireacht Ghlór na nGael.
____________________________________________________________________________
- Eolas Teagmhála
Fiosruithe: Le haghaidh aon fhiosruithe maidir leis an tairiscint, déan teagmháil le Caitríona Nic Seoin, Bainisteoir Forbartha Pobail caitriona@glornangael.ie nó Lorcán Mac Gabhann, Ceannasaí lorcan@glornangael.ie
Teagmháil Aighneachta: Ba cheart aighneachtaí a sheoladh chuig Lorcán Mac Gabhann (lorcan@glornangael.ie)
Is é seo an doiciméad tairisceana le haghaidh taighde ar éifeachtacht agus tionchar Fondúireacht Sheosaimh Mhic Dhonncha ó bunaíodh í. Le haghaidh tuilleadh eolais maidir le FSMD tabhair cuairt ar ár suíomh gréasáin oifigiúil www.glornangael.ie/clg/
Lúnasa 2024