Gnó Archives - Glór na nGael

Gnó / Gnó / Príomhscéal

Scéim deontais do Chumainn Ghaelacha

Frainc Cionnaith Posted On November 28, 2022

Tá scéim deontais do chumann ghaelacha i gcoláistí 3ú leibhéal seolta ag Glór na nGael inniu.

Is í aidhm na scéime seo ná cur le líon na n-imeachtaí ar champas sa tréimhse iarr-COVID agus tá uasmhéid de €800 in aghaidh an chumainn ar fáil.

Chun cur isteach ar an deontas is gá go mbíonn an cumann cláraithe mar cumann oifigiúil den chuid aontais an choláiste agus go mbíonn cur chun cinn na Gaeilge sa choláiste mar phríomhaidhm an chumainn.

Tá an fhoirm iarratais ar fáil anseo.

Is gá d’iarratais a bheith réidh faoi 5:00in ar Luan 12 Nollaig 2022. Imeachtaí a chuirfidh le húsáid na Gaeilge mar theanga i measc mhic léinn sa choláiste a bheas incháilithe sa bhabhta seo.

Cuirtear fáilte roimh ionadaithe ó chumainn ghaelacha labhairt le Frainc Mac Cionnaith maidir le hiarratas a dhéanamh: frainc@glornangael.ie

310 Views

Ginearálta / Gnó / Gnó / Príomhscéal

Deontas €602,000 ceadaithe do scéim GRADAIM Gnó na hÉireann

Dara Ó Baoill Posted On November 23, 2022

Is cúis áthais do Ghlór na nGael a fhógairt go bhfuil deontas de €602,000 ceadaithe ag an Aire Stáit sa Roinn Turasóireachta, Cultúir, Ealaíon, Gaeltachta, Spóirt agus Meán, Jack Chambers T.D., thar tréimhse trí bliana, chun forbairt a dhéanamh ar an scéim GRADAIM Gnó na hÉireann.

Dúirt Bainisteoir Forbartha, Gnó agus Fiontraíocht Ghlór na nGael, Frainc Mac Cionnaith, go gcinntíonn an tacaíocht seo todhchaí na scéime. “Is dea-scéal é seo dúinn cinnte” a dúirt Mac Cionnaith. “Sheol an Taoiseach Mícheál Martin an scéim i mí na Samhna 2021. Beidh sé ar ár gcumas anois breis foirne a earcú agus an scéim a fhorbairt le riaradh a dhéanamh agus seirbhís a chur ar fáil do suas le 200 gnóthlacht in aghaidh na bliana.”

Is scéim aitheantais í GRADAIM do ghnólachtaí atá ag úsáid na Gaeilge mar chuid den ghnó, nó atá ag cur seirbhíse trí Ghaeilge ar fáil dá gcustaiméirí. Bronnadh Gradaim ar 85 gnóthlacht ag mórócáid i Halla na Cathrach i mBaile Átha Cliath an tseachtain seo caite as méid áirithe a dhéanamh maidir le úsáid na Gaeilge faoi thrí mhór-réimse, mar atá Comharthaíocht, Brandáil agus Margaíocht agus Seirbhís Ghaeilge do Chustaiméirí & Cliant.

Léiríonn an comhartha GRADAIM don phobal go bhfuil meas ag an ghnó don Ghaeilge agus do lucht labhartha na Gaeilge. Cuireann sé in iúl chomh maith do phobal na Gaeilge go bhféadfaidh bheith ag súil le leibheál airithe seirbhíse inár dteanga féin.

Cuirfear tús le babhta clárúcháin eile go luath sa bhliain nua.

Tá gach eolas faoin scéim ar fáil: www.gradaim.ie

535 Views

Gnó / Gnó / Príomhscéal

GRADAIM Fiontraí Óg na Bliana 2022 bainte ag Ciarraí agus Dún na nGall

Dara Ó Baoill Posted On November 16, 2022

Bronnadh Gradaim ‘Fiontraí Óg na Bliana 2022’ agus ipad an duine ar bheirt ógánach ag mórócáid Gradaim Gnó na hÉireann i Halla na Cathrach, Baile Átha Cliath ar an 15ú Samhain 2022. Is í Síle Seoighe, an réalt teilifíse an aoi speisialta a rinne an bronnadh.

San aoisghrúpa 12-18, is í Róisín Dalby (Co. Chiarraí) chéadbhuailteoir Fiontraí Óg na Bliana de chuid GRADAIM agus san aoisghrúpa 18 – 21, is í Aoibhín Ní Deá (Co. Dhún na nGall) chéadbhuailteoir Fiontraí Óg na Bliana de chuid GRADAIM.

Is rannóg speisialta de chuid Gradaim Gnó na hÉireann atá i ‘Fiontraí Óg na Bliana’, onóir a bhronntar ar bheirt duine óg a leíríonn bua don fhiontraíocht agus díogras don Ghaeilge. Is de réir na critéir seo a roghnaítear Fiontraí Óg na Bliana: Bua don fhiontraíocht; Cumas samhlaíoch ina c(h)ur chuige; Íomhá dhearfach i leith na Gaeilge a chur chun tosaigh; Seirbhís le Gaeilge don chustaiméir nó don chliant.

“Chuaigh Róisín Dalby agus Aoibhín Ní Deá i bhfeidhm go mór ar mholtóirí Ghlór na nGael” a dúirt Frainc Mac Cionnaith, Bainisteoir Forbartha, Gnó agus Fiontraíocht, Glór na nGael. “Is eiseamláir iad beirt do dhaoine óga eile a bhfuil féith na fiontraíochta agus tiomántas don teanga acu.”

Is as Baile an Fheirtéaraigh do Róisín agus tá sí ag obair léi sa Goat Caifé, sa Daingean. Tá polasaí Gaeilge ar dtús in úsáid aici féin ar obair ina mbeannaíonn sí do gach custaiméir i nGaeilge. Creideann Róisín go gcuireann úsáid na Gaeilge sa chaifé go mór leis an eispéireas cultúrtha sa bhaile agus chuige sin, tá sí ag cuidiú lena comhghleacaithe cur leis an Ghaeilge atá acu.

Is ó Ghaoth Dobhair d’Aoibhín agus tá a gnó féin aici, Cácaí Aoibhín, a bhunaigh sí nuair nach raibh sí ach ceithre bliana déag d’aois. Tá sí anois ag déanamh cístí le haghaidh siopaí agus caiféanna fud fad Ghaeltacht Iarthuaisceart Thír Chonáill chomh maith le orduithe speisialta, ar nós cístí bhreithlá agus cístí posta. D’oscail sí cistín nua dá cuid féin ar na moillibh. Creideann Aoibhín go bhfuil ról tabhachtach ag an fhiontraíocht i gcaomhnú na teanga sa Ghaeltacht agus ba mhaith léi cuidiú leis an Mheitheal Pleanála Teanga chun daoine óga an cheantair a spreagadh i dtreo na fiontraíochta.

380 Views

Ginearálta / Gnó / Gnó / Príomhscéal

GRADAIM Gnó na hÉireann le bronnta ar 85 gnólacht

Dara Ó Baoill Posted On November 16, 2022

Bronnadh comharthaí GRADAIM Gnó na hÉireann ar 85 gnólacht ag mórócáid i Halla na Cathrach, Baile Átha Cliath ar an 15ú Samhain 2022. Is í Síle Seoighe, an réalt teilifíse an aoi speisialta a rinne an bronnadh agus is í Sinéad Ní Uallacháin (RTÉ) a bhí mar bhean an tí.

Is í seo an chéad bhliain den scéim náisiúnta aitheantais GRADAIM Gnó na hÉireann, a d’fhorbair Glór na nGael, ina ndéantar ceiliúradh ar shaothar na ngnólachtaí don Ghaeilge.

Bronnadh boinn óir, airgid agus cré-umha ar na gnólachtaí i dtrí réimse (Comharthaíocht, Margaíocht agus Brandáil, Seirbhís i nGaeilge) mar thoradh ar phróiseas mheasúnaithe na scéime, a tharla le linn mhí Mheán Fhómhair.

Mhínigh Frainc Mac Cionnaith, bainisteoir na scéime i nGlór na nGael, go dtabharfaidh comharthaí GRADAIM le fios don phobail cén saghas seirbhíse agus comharthaíochta Gaeilge ar féidir bheith ag súil leis ó na gnólachtaí rannpháirteacha.

“Don chéad uair riamh tá próiseas chuimsitheach mheasúnaithe, atá neamhspleách agus náisiúnta ann le eolas chruinn, deimhnithe agus cothrom le dáta a chur ar fáil don phobal maidir leis an saghas seirbhíse agus comharthaíochta Gaeilge ar féidir a bheith ag súil leis ó na gnólachtaí rannpháirteacha.” a dúirt Mac Cionnaith. “Déanaim comhghairdeas leis na gnólachtaí go léir agus molaim go hard iad as a ndiogras agus a dtiomántas agus dar ndóigh gabhaim buíochas leis na hionadaithe ó na coistí pobail timpeal na tíre atá ag tacú le cur chun cinn na scéime.”

Tá rannóg speisialta ‘Fiontraí Óg na Bliana’ sa scéim chomh maith a bhronntar ar bheirt duine óg a leíríonn bua don fhiontraíocht agus díogras don Ghaeilge. San aoisghrúpa 12-18, is í Róisín Dalby chéadbhuailteoir Fiontraí Óg na Bliana de chuid GRADAIM agus san aoisghrúpa 18 – 21, is í Aoibhín Ní Deá chéadbhuailteoir Fiontraí Óg na Bliana de chuid GRADAIM.

Bhain 17 gnólacht bonn óir amach sa trí réimse (Comharthaíocht, Margaíocht agus Brandáil, Seirbhís i nGaeilge) agus 49 gnólacht ar a bronnadh bonn amháin óir, ar a laghad, orthu.

Is scéim de chuid Ghlór na nGael í GRADAIM Gnó na hÉireann, le tacaíocht ón Roinn Turasóireachta, Cultúir, Ealaíon, Gaeltachta, Spóirt agus Meán agus ó Fhoras na Gaeilge.

Liosta na ngnólachtaí a fuair GRADAIM:

POTA Café, Co. na Gaillimhe
Aon Scéal Café, Co. Átha Cliath
Comhar Creidmheasa Ghaoth Dobhair, Co. Dhún na nGall
Drioglann Chroithlí, Co. Dhún na nGall
Amharclann Ghaoth Dobhair, Co. Dhún na nGall
An Croí, Co. Dhoire;
An Siopa Gaeilge, Co. Dhún na nGall
Brian de Staic Teoranta, Co. Chiarraí
Cló Iar-Chonnacht, Co. na Gaillimhe
Conradh na Gaeilge Boirche Íochtar, Co. an Dúin
Cultúrlann McAdam Ó Fiaich, Co. Aontroma
GTeic@Cill Charthaigh, Co. Dhún na nGall
LIGID Léiriúcháin, Co. Dhún na nGall
Líonra Leitir Ceanainn, Co. Dhún na nGall
Lóistín Teach Hiúdaí Beag, Co. Dhún na nGall
Margadh na Mairt Teo, Co. Dhún na nGall
Oideas Gael, Co. Dhún na nGall
Siopa an Carn, Co. Dhoire
Teach Solais Fhánada, Co. Dhún na nGall
Aerfort Dhún na nGall Co. Dhún na nGall
Teach Jack Co. Dhún na nGall
An Cailín Gruaige Siopa Gruaige Co. Dhún na nGall
Bob Griffins Co. Chiarraí
P.Mac Giolla Dé Búistéirí Co. Dhún na nGall
Bee Healthy Monaghan Co. Mhuineacháin
O’Flahertys Bar Co. Chiarraí
Teresa Mhic Dhonncha, Seirbhís Hoiméapaite Co. na Gaillimhe
Bus Feda Teoranta Co. Dhún na nGall
Oifig an Phoist, Doirí Beaga Co. Dhún na nGall
Beachoga Dhún na nGall – Donegal Bees Co. Dhún na nGall
Dinglegoldsmiths A.J.Bacaeir Teoranta Gaibhne Óir Chorca Dhuibhne Co. Chiarraí
Fiadh Co. Chiarraí
Clinic Cois Abhann Co. Chiarraí
KCLR Co. Chill Chainnigh
Prints of Ireland Co. Átha Cliath
An Lárionad Oideachais, Siopa Chúinne an Daingin Co. Chiarraí
Fadó Antiques & Framing Co. Chiarraí
Fitzgeralds Homevalue Co. Chiarraí
John Weldon Jewellers Co. Chiarraí
MacEoin General Merchants Co. Chiarraí
Murphy’s Ice Cream Co. Chiarraí
O’Donnell Fuels Crolly (Siopa Stiofan Anne) Co. Dhún na nGall
Paul Geaneys Co. Chiarraí
Solas Tapas Co. Chiarraí
Spar Doire Beaga Co. Dhún na nGall
Teach Tabhairne Uí Shearcaigh Co. Dhún na nGall
The Coach House Co. Chiarraí
Tigh Mhic Cárthaigh Co. Chiarraí
Walsh’s Pharmacy – Cógaslann Mhuintir Breathnach Co. Chiarraí
Bliss Ladies Fashions Co. Dhún na nGall
Dingle Bookshop Co. Chiarraí
Óstán na Sceilge Co. Chiarraí
Seed & Soul Co. Chiarraí
Chop Central Co. Chiarraí
Corveen Glen Meat Company Co. Dhún na nGall
Dingle Properties Co. Chiarraí
Ireland By Bike Co. Dhún na nGall
Kingdom Fresh Co. Chiarraí
Pure Beauty Co. Chiarraí
Sheehy’s Fish & Chip Takeaway Co. Chiarraí
Siúinéireacht Shéamuis Óig Co. Dhún na nGall
Teach Sheáin Óig Co. Dhún na nGall
Dréimire Language Services Co. Átha Cliath
GaelGoer, Co. Átha Cliath
Strand House Co. Chiarraí Dingledoc Co. Chiarraí
Tabhairne Leo Co. Dhún na nGall
Bialann Danny Minnie Co. Dhún na nGall
Óstán Benners Co. Chiarraí
MF Learning Seirbhísí Foghlama Co. Thír Eoghain
Sew it Seams Co. na Gaillimhe
An Cope, Siopa Anagaire Co. Dhún na nGall
Áras Uí Chonghaile Co. Aontroma
Bláthanna Tí Mhistéil Co. na Gaillimhe
Comhar Chreidmheasa Chorca Dhuibhne Teo Co. Chiarraí
Mara Beo Co. Chiarraí
Tigh Liam Co. na Gaillimhe
Wet & Wild Co. Dhún na nGall
An Ceathrú Póilí Co. Aontroma
Maisiúchán Phóil Ó Breisleáin Co. Dhún na nGall
Teach Tessie Co. Dhún na nGall
Ceimiceoir totalhealth Uí Dhomhnaill Co. Dhún na nGall
Crua Earraí Mhic Suibhne Co. Dhún na nGall
Sheehys Spar Co. Chiarraí Cáis Co. Chiarraí
Aerfort Dhún na nGall Co. Dhún na nGall
Comhar Creidmheasa Ghaoth Dobhair Co. Dhún na nGall
Drioglann Chroithlí Co. Dhún na nGall

279 Views

Ginearálta / Gnó / Gnó / Príomhscéal

Tús curtha leis an phróiseas measúnaithe don scéim GRADAIM Gnó na hÉireann

Dara Ó Baoill Posted On September 6, 2022

Cuireadh tús ar an Luan 5 Meán Fómhair leis an phróiseas measúnaithe don scéim GRADAIM Gnó na hÉireann, scéim aitheantais naisiúnta Ghlór na nGael don Ghaeilge sa ghnó.

Tá cúig dhuine dhéag d’fhoireann Ghlór na nGael ag tabhairt faoin tasc mór agus tá beagnach 100 gnólacht fud fad na hÉireann ag dul faoi mheasúnú faoi láthair, sa chéad bhliain den scéim nua. Mar aon le foireann Ghlór na nGael, tá tuairim is 20 ionadaí áitiúil ag tabhairt tacaíochta don mheasúnú ina gceantracha féin.

Is scéim aitheantais de chuid Ghlór na nGael í GRADAIM do ghnólachtaí atá ag úsáid na Gaeilge mar chuid den ghnó, nó atá ag cur seirbhíse trí Ghaeilge ar fáil dá gcustaiméirí. Bronnfar na gradaim ar ghnóanna as méid áirithe a dhéanamh maidir le húsáid na Gaeilge faoi thrí mhór-réimse, mar atá:

1. Comharthaíocht,

2. Brandáil agus Margaíocht , agus

3. Seirbhís Ghaeilge do Chustaiméirí & Cliant. Cuirfidh aitheantas ó GRADAIM le fios don phobal go bhfuil caighdeán áirithe bainte amach ag an ghnó sna réimsí sin.

‘Sé a dúirt Frainc Mac Cionnaith, bainisteoir na scéime ná:

“Tá lúcháir orm go bhfuil muid anois faoi lán seoil agus foireann measúnaithe ar an talamh an tseachtain seo sna Gaeltachtaí agus sna bailte fud fad na hÉireann. Thug sé ardú croí dom saothar na ngnólachtaí ar an Daingean a fheiceáil inniu agus tá tuairiscí maithe ag teacht isteach ó na ceantracha eile. Comhartha aitheantais a bheidh i GRADAIM a chuirfidh in iúl don chustaiméir cá mbíonn teacht ar leibhéil eagsúla seirbhíse le Gaeilge ina cheantar féin. Níl amhras orm ach go bhfuil iarrachtaí iontacha á ndéanamh ag na gnólachtaí atá páirteach ann i mbliana agus go spreagfaidh a saothar agus an t-aitheantas naisiúnta a bhronnfar orthu tuilleadh gnóanna chun tabhairt faoin Ghaeilge a úsáid ina ngnó féin amach anseo”

449 Views

Ginearálta / Gnó / Gnó / Príomhscéal

Scéim GRADAIM seolta i mBéal Feirste

Dara Ó Baoill Posted On November 25, 2021

Sheol an tAire Pobal, Deirdre Hargey an scéim nua GRADAIM Gnó na hÉireann go hoifigiúil inniu, 25 Samhain 2021, i mBéal Feirste, Is scéim nua í GRADAIM a chuirfidh an Ghaeilge go mór chun tosaigh sa ghnó sna blianta romhainn. Is ag ionad nua Teach Mhamó a rinne sí an scéim a sheoladh, ionad Cúraim Leanaí le Gaeilge ar Bhóthar an Ghleanna, Béal Feirste.

Dúirt an tAire Hargey: “Tá ról tábhachtach ag comhlachtaí i gcur chun cinn na Gaeilge agus spreagfaidh an scéim seo iad chun é sin a dhéanamh. Cuireann úsáid na Gaeilge i dtimpeallacht ghnó deis ar fáil don phobal gnó agus don phobal i gcoitinne. Ar fud an tuaiscirt, faigheann breis agus 7,000 páiste a gcuid oideachais trí mheán na Gaeilge, méadú 60% thar na deich mbliana 2011-21. Seo iad ár gcuid custaiméirí amach anseo.”

Is scéim aitheantais í GRADAIM do ghnólachtaí atá ag úsáid na Gaeilge mar chuid den ghnó, nó atá ag cur seirbhíse trí Ghaeilge ar fáil dá gcustaiméirí. Bronnfar na gradaim ar ghnóanna as méid áirithe a dhéanamh maidir le úsáid na Gaeilge faoi thrí mhór-réimse, mar atá 1. Comharthaíocht 2. Brandáil agus Margaíocht 3. Seirbhís Ghaeilge do Chustaiméirí & Cliant. Cuirfidh aitheantas ó GRADAIM le fios don phobal go bhfuil caighdeán áirithe bainte amach ag an ghnó sna réimsí sin.

Is é Glór na nGael, ceanneagraíocht Ghaeilge le freagrachtaí an Ghaeilge a chur chun cinn sa ghnó atá ag riarú na scéime seo.

Tá 62 grúpa pobail Gaeilge fud fad na hÉireann cláraithe le Glór na nGael chun cuidiú leis an scéim a chur i bhfeidhm go háitiúil agus tá 22 acu sin ó thuaidh (33 in Uladh). Tá 6 grúpa acu i mórcheantar Bhéal Feirste. Déanfaidh siad gnólachtaí a chlárú leis an scéim agus cuirfidh siad cuidiú agus comhairle ar fáil dóibh agus iad ag obair tríd an liosta de ghníomhaíochtaí molta.

Faoi dheireadh 2022 tá Glór na nGael ag súil go mbeidh 200+ gnólacht cláraithe leis an scéim agus go mbeidh tionchar mór ag GRADAIM ar nósanna úsáide teanga in earnáil an ghnó sna blianta atá le teacht.

Bronnadh gradam aitheantais inniu ó Ghlór na nGael ar Theach Mhamó, ionad Cúraim Leanaí ar Bhóthar an Ghleanna, Béal Feirste, mar ghnó atá ag cur fís na scéime GRADAIM chun tosaigh go laethúil ó osclaíodh na doirse ann seacht bliain ó shin.

Is féidir le gnólachtaí clárú anois chun bheith páirteach sa scéim ag gradaim.ie agus bronnfar an chéad babhta de ghradaim ag ócáid i dtreo dheireadh 2022.

Frainc Mac Cionnaith, Bainisteoir Forbartha Fiontraíochta agus Gnó, “Tá áthas orm go bhfuil scéim deartha agus i bhfeidhm againn anois a rachaidh i bhfad chun áit a chinntiú don Ghaeilge sa ghnó. Is iontach an áis í dúinn scéim náisiúnta, aitheanta bheith ann mar spreagadh agus mar threoir don lucht ghnó leis an Ghaeilge a chur chun chun tosaigh. Comhartha aitheanta a bheas i GRADAIM a chuirfidh in iúl don chustaiméir cá mbíonn teacht ar leibhéil eagsúla seirbhíse le Gaeilge ina gceantar féin.”

Aithníonn Glór na nGael ionchur na heagraíochtaí seo a leanas i bhforbairt straitéise don réimse ghnó agus i bhforbairt na scéime seo: Foras na Gaeilge, Údarás na Gaeltachta, Gnó Mhaigh Eo, Comhairle Cathrach Bhéal Feirste, Gaillimh le Gaeilge, Gael Taca, Comhairle Contae Chiarraí, Dún Garbhán le Gaeilge, Líonra Leitir Cheannainn, An Clár as Gaeilge agus Muintir Chrónáin.

702 Views

Ginearálta / Gnó / Gnó / Príomhscéal

GRADAIM Gnó na hÉireann – Seolta

Dara Ó Baoill Posted On November 5, 2021

Sheol an Taoiseach an scéim nua GRADAIM Gnó na hÉireann inniu 04 Samhain 2021, scéim a chuirfidh an Ghaeilge go mór chun tosaigh sa ghnó sna blianta romhainn.

Dúirt an Taoiseach Micheál Ó Máirtín “Tá fhios againn an tionachar a bhíonn ag lucht gnó go háirithe leis an Ghaelainn a chur chun cinn. An teanga is rud é a chleachtaíonn tú a lá indiaidh lae. Nuair a bhíonn tú ag déanamh do chuid siopadóireachta nó ag dul timpeall na sráide is iontach an scéal go mbeidh tú in ann an chomharthíocht a fheiscint agus an Ghaeilge a labhairt.”

Is é Glór na nGael, ceanneagraíocht Ghaeilge le freagrachtaí an Ghaeilge a chur chun cinn sa ghnó atá ag riarú na scéime seo.

Tá 62 grúpa pobail Gaeilge tríd an tír cláraithe le Glór na nGael chun cuidiú leis an scéim a chur i bhfeidhm go háitiúil. Déanfaidh siad gnólachtaí a chlárú leis an scéim agus cuirfidh siad cuidiú agus comhairle ar fáil dóibh agus iad ag obair tríd an liosta de ghníomhaíochtaí molta.

Is féidir le gnólachtaí clárú anois chun bheith páirteach sa scéim ag gradaim.ie agus bronnfar an chéad babhta de ghradaim ag ócáid i dtreo dheireadh 2022.

Frainc Mac Cionnaith, Bainisteoir Forbartha Fiontraíochta agus Gnó, “Tá áthas orm go bhfuil scéim deartha agus i bhfeidhm againn anois a rachaidh i bhfad chun áit a chinntiú don Ghaeilge sa ghnó. Is iontach an áis í dúinn scéim náisiúnta, aitheanta bheith ann mar spreagadh agus mar threoir don lucht ghnó leis an Ghaeilge a chun chun tosaigh. Comhartha aitheanta a bheas i GRADAIM a chuirfidh in iúl don chustaiméir cá mbíonn teacht ar leibhéil eagsúla seirbhíse le Gaeilge ina gceantar féin.”

920 Views

Gnó / Gnó / Príomhscéal

GRADAIM 2022 – Cláraigh anois

Frainc Cionnaith Posted On September 23, 2021

Tá Glór na nGael ag clárú gnólachtaí anois le bheith páirteach sa scéim nua GRADAIM. Is scéim aitheantais í GRADAIM do ghnólachtaí atá (nó a bheith) ag úsáid na Gaeilge mar chuid den ghnó, nó atá ag cur seirbhíse trí Ghaeilge ar fáil dá gcustaiméirí.

Comhartha aitheanta ar an dea-chleachtas maidir le úsáid na Gaeilge sa ghnó é an gradam seo. Bronnfar trí leibhéal gradam ar rannpháirtithe, de réir mar a bhaineann na gnólachtaí spriocanna gníomhaíochta amach thar thréimhse ama. Is féidir le gnólachtaí clárú chun dul faoi mholtóireacht in aon rannóg amháin, dhá cheann nó an trí rannóg ar fad. Is iad na rannóga atá i gceist ná Comharthaíocht, Brandáil & Margaíocht agus Seirbhís Ghaeilge do Chustaiméirí & Cliant. Bronnfar gradaim (cré-umha, airgead nó ór ) de réir mar is cuí san rannóga sin.

Tá foirm chlárúcháin ar fáil anois anseo: Foirm Chlárúcháin 2022

Tá tuilleadh eolais faoin scéim ar fáil anseo: Leabhrán Eolais GRADAIM 2022

Is féidir teagmháil a dhéanamh le Frainc Mac Cionnaith, Bainisteoir na scéime chun rannpháirteachas do ghnólachta féin a phlé nó le fiosruithe eile a bhaineann le gnó le Gaeilge.

1.6K Views

Ginearálta / Gnó / Gnó / Príomhscéal

18 Meitheamh – Comhdháil fíorúil: Gaeilge sa Ghnó – Dea-chleachtais

Dara Ó Baoill Posted On June 17, 2021

Mar chuid den ullmhúchán don scéim aitheantais do ghnónna a úsáideann an Ghaeilge, tá Glór na nGael ag eagrú Comhdháil Fhíorúil.

Aoine 18 Meitheamh @ 12:00

Beidh na cainteoirí thíos ag tabhairt léargas ar dea-chleachtas le Gaeilge sa ghnó ar Zoom.

Na Cainteoirí:

𝗠𝗶𝗰𝗵𝗲𝗹𝗹𝗲 𝗡𝗶𝗰 𝗦𝘂𝗶𝗯𝗵𝗻𝗲 – Bainisteoir, 𝘔𝘦𝘯𝘵𝘰𝘳 𝘎𝘢𝘦𝘪𝘭𝘨𝘦 & Bunaitheoir “𝘘-𝘔𝘩𝘢𝘳𝘤”

𝗖𝗼𝗻𝗼𝗿 𝗠𝗰𝗗𝗮𝗶𝗱 – Bainisteoir Miondíola, 𝘋𝘶𝘯𝘥𝘳𝘶𝘮 𝘛𝘰𝘸𝘯 𝘊𝘦𝘯𝘵𝘳𝘦

𝗦𝗮𝗿𝗮𝗵 𝗝𝗮𝗻𝗲 𝗖𝗼𝗼𝗴𝗮𝗻 – Lithreoir Raidió & Bainisteoir Feachtais Margaíochta, 𝘓𝘐𝘋𝘓 𝘐𝘳𝘦𝘭𝘢𝘯𝘥

𝗡𝗶𝗮𝗹𝗹 𝗢́ 𝗖𝗮𝘁𝗵𝗮́𝗶𝗻 – Coiste Forbartha Charn Tochair & 𝘚𝘪𝘰𝘱𝘢 𝘢𝘯 𝘊𝘢𝘪𝘳𝘯

Is é 𝗙𝗮𝗰𝗵𝘁𝗻𝗮 𝗢́ 𝗗𝗿𝗶𝘀𝗰𝗲𝗼𝗶𝗹, Craoltóir le RTÉ Raidió na Gaeltachta a bheidh ina chathaoirleach ar an gComhdháil.

Fáilte roimh chách!

Seo thíos an nasc Zoom:

https://zoom.us/j/91752105554

808 Views

Forbairt Pobail / Ginearálta / Gnó / Gnó / Príomhscéal

28 Bealtaine – Seimineár Idirnáisiúnta: An tábhacht le dátheangachas sa ghnó

Dara Ó Baoill Posted On May 18, 2021

GRADAIM

Gnó na hÉireann

28 Bealtaine – Seimineár Idirnáisiúnta:

An tábhacht le dátheangachas sa ghnó

Seimineár Fíorúil, 28 Bealtaine @ 12:00: Tá Glór na nGael ag ullmhú scéim aitheantais do ghnónna a úsáideann an Ghaeilge ar a gcuid comharthaíocht, a mbrandáil agus mar chuid dá seirbhísí do chustaiméirí. Seolfar an scéim níos déanaí i mbliana, agus bronnfar gradaim aitheantais ar ghnónna le linn 2022 agus ar bhonn bliantúil i ndiaidh sin.

Mar ullmhúchán don scéim tá cuireadh tugtha do chainteoirí idirnáisiúnta a bhfuil taithí acu ar an dátheangachas sa ghnó labhairt linn ar chomhdháil Zoom ar an 28 Bealtaine.

Beidh Aodhán Mac Cormaic, atá ina stiúrthóir sa Roinn Turasóireachta, Cultúir, Ealaíon, Gaeltachta, Spóirt agus Meán agus freagrach as an Plean 20 Bliain don Ghaeilge 2010 -2030 ar an bpainéal i gcuideachta Oihan Zubizarreta Irebecampos, stiúrthóir cumarsáide leis an gcomharchumann Bascach EMUN; Siubhán Nic Grianna, Bainisteoir Pleanála Teanga Údarás na Gaeltachta; Helene Armentia Artzak atá freagrach as pleananna agus polasaithe teanga in Elhuyar; agus leis an Dr Jeremy Evas, Ceannasaí ar Prosiect 2050 i Rialtas na Breataine Bige.

Is í Niamh de Búrca, Príomhfheidhmeannach Gnó Mhaigh Eo agus comhalta boird Ghlór na nGael a bheidh ina cathaoirleach ar an seimineár.

Tá an chomhdháil seo dírithe go príomha ar ghrúpaí pobail a bhfuil suim acu an scéim aitheantais a chur chun cinn ina gceantair féin, ach is féidir le haon duine freastal air ach clárú roimh ré. (rphost a sheoladh chuig gradaim@glornangael.ie)

Teagmháil: Eoghan Mac Cormaic

Leas-Cheannasaí Glór na nGael

+353 85 71 87678

gradaim@glornangael.ie

Cathaoirleach:

Niamh de Búrca

Príomhfheidhmeannach Gnó Mhaigh Eo & Comhalta Boird Ghlór na nGael.

Eolas faoi na cainteoirí:

Aodhán Mac Cormaic

Stiúrthóir: Stráitéis 20 Bliain don Ghaeilge 2010-2030

Is comhalta de bhord bainistíochta na Roinne é an Dr Aodhán Mac Cormaic agus tá sé freagrach ag leibhéal an Stiúrthóra as an Straitéis 20 Bliain don Ghaeilge 2010-2030 a chur i gcrích, as cláir Ghaeltachta agus polasaí Gaeilge, reachtaíocht agus cláir laistigh agus taobh

amuigh de limistéir ainmnithe Gaeltachta. Tá sé freagrach freisin as an nGaeilge ag leibhéal an AE, as Logainmneacha, as an gComhoibriú Thuaidh-Theas lena n-áirítear an Foras Teanga.

Siubhán Nic Grianna

Bainisteoir Pleanála Teanga Údarás na Gaeltachta

Tá Siubhán Nic Grianna fostaithe mar Bhainisteoir Pleanála Teanga ag Údarás na Gaeltachta agus freagrach as na cláir tacaíochtaí teanga atá ag an Údarás a bhainistiú agus a riaradh, an próiseas pleanála teanga ina measc. Sé cuspóir forbartha an Údaráis ná tacú le cur chun cinn na fiontraíochta agus na fostaíochta ar mhaithe le pobal inmharthana Gaeilge a chothú sa Ghaeltacht. Oibríonn an tÚdarás lena chliantchomhlachtaí ar bhunús leanúnach le cinntiú go bhfuil a dtionchar ar an nGaeltacht dearfach ar go leor bealaí – fostaíocht, úsáid na Gaeilge, seirbhísí agus infreastruchtúr pobal. Cuireann an tÚdarás raon

tacaíochtaí ar fáil dá chliant-chomhlachtaí chun tacú leo céimeanna dearfacha i leith na Gaeilge a chur i bhfeidhm sa láthair oibre agus ina ghnó.

An Dr Jeremy Evas

Ceannasaí ar Prosiect 2050 i Rialtas na Breataine Bige

Roimhe seo bhí Jeremy Evas ina Ceannasaí ar cur chun cinn na Breatnaise agus athrú iompraíochta le Rialtas na Breataine Bige agus ina léachtóir ar pholasaí agus pleanáil teanga ag Scoil na Breatnaise, Ollscoil Cardiff. Bhí sé ina Stiúrthóir Straitéise le Coimisiún na Breatnaise agus Stiúrthóir Polasaí agus Pleanáil Corpais le Bord Teanga na Breataine Bige mar a bhí ann tráth.

Tá an-spéis aige in aimsiú agus i ngníomhú beartais a mhéadaíonn úsáid na Breatnaise. Tá maoirseacht déanta aige ar thráchtais dochtúireachta ar uathoibriú aistriúcháin, agus ar síceolaíocht iompraíochta i leith idirghníomhaíocht daoine dátheangacha le ríomhairí agus i leith seirbhísí oideachais trí mheán na Breatnaise. Tá taighde foilsithe aige ar na tosca a imríonn tionchar ar aistriú na Breatnaise ó ghlúin go glúin. Ina ról le Rialtas na Breataine Bige tá sé freagrach as cláir le úsáid neamhfhoirmeálta na Breatnaise i measc páistí scoile a spreagadh, aistriú teanga i dteaghlaigh; teicneolaíocht i mBreatnais, an Bhreatnais san earnáil phríobháideach agus gnéithe den Bhreatnais mar theanga oibre. Nuair nach bhfuil sé ar obair is maith leis bheith ag rothaíocht.

Oihan Zubizarreta Irebecampos

Tá Oihan Zubizarreta Irebecampos freagrach as cumarsáid sa chomharchumann Bascach EMUN. Le blianta anuas tá sé ag dearadh, ag cur i bhfeidhm agus tabhairt comhairle ar phleananna teanga Bascacha i gcomhlachtaí príobháideacha (mar shampla comharchumainn tionsclaíocha ar nós FAGOR agus ULMA) agus i bhforais poiblí (Rialtas Thír an mBascach agus Comhairle Cúige Gipuzkoa). Tá céim sa dlí aige ó EHU-UPV agus bhí sé ina chomhordaitheoir scéimeanna comhoibre teanga le Garabide, ina raibh sé ag comhoibriú ar thograí forbartha sa Cholóim, Yucatán (Meicsiceo) agus in Eacuadór le pobail teanga Kichwa, Embera agus Yucatecan Mayan. Tá tréimhsí caite aige le comharchumainn Bascacha amhail Mondragon, sa ghrúpa FAGOR agus Laboral Kutxa. Lasmuigh dá chuid oibre, is ball é de chomhlachas amharclainne agus is maith leis bheith ag rothaíocht.

Helene Armentia Artzak
Tá Helene freagrach as pleananna agus polasaithe teanga in Elhuyar. Tá céim Bhitheolaíochta aici ó Ollscoil Thír na mBascach EHU agus Máistreacht i gCórais Bith-imoibreoirí aici ó Insititiúíd Eolaíochta agus Teicneolaíochta, Ollscoil Manchain, chomh maith le cúrsa iarchéime i Measúnú Tionchair Teanga (EHU), ach tá sí tar éis mórchuid a saol oibre a chaitheamh ag dearadh agus ag forbairt polasaithe teanga. Bhí sí ag riaradh tograí a chuir an Bhascais chun chinn i gcomhlachtaí príobháideacha agus san earnáil phoiblí, tograí a rinne úsáid na Bascaise a normalú i ranna éagsúla an Rialtais Bascaigh (An Roinn Sláinte, Emakunde, Institiúd na mBan) agus i gcomhairlí cathracha. Tá na blianta de thaithí aici i dtograí rannpháirtíochta daoine, go háirithe sna cinn a iarrannn an Bascais a athbheocháin sna cathracha. Lasmuigh d’obair is maith leí bheith ag fanaíocht.

991 Views

Older Posts

Languages

Gnó

Scéim deontais do Chumainn Ghaelacha

Deontas €602,000 ceadaithe do scéim GRADAIM Gnó na hÉireann

GRADAIM Fiontraí Óg na Bliana 2022 bainte ag Ciarraí agus Dún na nGall

GRADAIM Gnó na hÉireann le bronnta ar 85 gnólacht

Tús curtha leis an phróiseas measúnaithe don scéim GRADAIM Gnó na hÉireann

Scéim GRADAIM seolta i mBéal Feirste

GRADAIM Gnó na hÉireann – Seolta

GRADAIM 2022 – Cláraigh anois

18 Meitheamh – Comhdháil fíorúil: Gaeilge sa Ghnó – Dea-chleachtais

28 Bealtaine – Seimineár Idirnáisiúnta: An tábhacht le dátheangachas sa ghnó

Subscribe

Stay Updated

Seoladh