CLG

CLG  / Ginearálta  / Príomhscéal

Boinn Fondúireacht Sheosaimh Mhic Dhonncha 2021 Bronnta

Dara Ó Baoill Posted On March 17, 2022

Bhronn Uachtarán Chumann Lúthchleas Gael, Labhrás Mac Carthaigh, boinn Fondúireacht Sheosaimh Mhic Dhonncha 2021 ag ócáid speisialta ag Páirc Naomh Éanna, Baile Buadáin oíche Chéadaoine, an 16 Márta.

Sé bhonn cré-umha agus fiche a bhronnadh ar an oíche, chomh maith le sé bhonn airgid agus cúig bhonn óir. Bronnadh na boinn ar chlubanna ó gach cearn den tír, mar aitheantas ar an obair a rinne siad le linn 2021 leis an Ghaeilge a chur chun cinn ar an talamh sna gcumainn, agus le cur le húsáid agus feiceálacht na teanga i measc ballraíocht na gclubanna. Tugadh aitheantas ar leith ar an oíche do na clubanna siúd a fuair bonn sa bhliain 2020, agus nach raibh deis acu ócáid cheiliúrtha a bheith acu go dtí seo.

In óráid an Uachtaráin mhol sé an obair atá déanta ag clubanna na tíre seo ‘Ba mhaith liom comhghairdeas a dhéanamh le gach club a bheidh ag fáil bonn óir, airgead nó cré-umha anocht mar aitheantas ar a gcuid oibre ag cur chun cinn na Gaeilge ina gcuid clubanna. Ba mhaith liom comhghairdeas a dhéanamh leo siúd, chomh maith, a bheidh ag fáil bonn óir a chuaigh faoi mholtóireacht sa bhliain 2020. Molaim go mór a gcuid iarrachtaí ar fad.’

‘Molaim go mór obair ár gcuid páirtnéirí sa scéim seo, Glór na nGael, freisin. Tá muid an-bhuíoch as an obair iontach a bhíonn idir lámha acu ó cheann ceann na bliana. Is mór againn an pháirtnéireacht seo. Tá cur chun cinn na Gaeilge, agus cur chun cinn na gcluichí trí Ghaeilge an-tábhachtach dúinn, agus níl bealach níos fearr leis seo a dhéanamh ná tríd an scéim seo’

Deir Caitríona Nic Seoin, Bainisteoir Forbartha le Glór na nGael gur ábhar misnigh é rannpháirteachas na gclubanna sa scéim, agus go spreagann obair na gclubanna baill foirne Ghlór na nGael gach uile bliain agus iad i mbun timireacht leo agus moltóireacht orthu. Rinne sí comhghairdeas ach go háirithe leis an chúig chlub a bhain bonn óir amach in 2021, agus dúirt sí go raibh na moltóirí iontach tógtha le seasmhacht s’acu i dtaobh na teanga de, agus leis an tionchar teanga a bhí le feiceáil go sonrach i bpobail áitiúla na gcumainn.

Is in ómós do Sheosamh ‘Joe’ Mac Donncha (1953-2016) a ainmníodh an Fhondúireacht seo. Fear le háireamh a bhí i Joe a bhain go leor amach dó féin agus do phobal na tíre seo i gcoitinne le linn a shaol. D’éirigh leis an post is airde a bhaint amach sa Chumann Lúthchleas Gael, thóg sé Corn Mhic Cárthaigh leis siar go Gaillimh mar iománaí agus bhí sé ina phríomhfheidhmeannach agus mar chathaoirleach ar chuid de mhóreagraíochtaí na tíre seo, Foras na Gaeilge ina measc.

Thíos tá liosta na gclub a bhain bonn amach in 2021. Tá tuilleadh eolais maidir le Fondúireacht Sheosaimh Mhic Dhonncha ar fáil ag www.glornangael.ie/clg

Bonn Óir:

Tuar Mhic Éadaigh CLG

Cumann Peil na mBan Maigh Cuilinn

An Cheathrú Rua CLG

Cárna Caiseal CLG

Cumann Caide na Gaeltachta

Bonn Airgid:

Bearna – Na Forbacha (Iománaíocht)

An Ríocht CLG

Naomh Peadar CLG, An Lorgain

Baile Buadáin, Naomh Éanna CLG

Naomh Colmcille CLG, An Charraig Mhór

An Clochán Liath CLG

Bonn Cré-umha:

Cabán tSíle CLG

Clanna Gael Fontenoy CLG

Fánaithe Baile Buadáin CLG

Na Cloigthithe CLG

Naomh Barróg CLG

Naomh Pádraig CLG, Domhnach Bat

Sairséalaigh Leamhcáin CLG

Cill Mhichíl CLG

An Ghleann CLG

Ard Ghlais CLG

Clann na Banna CLG

Baile Mhic an Aba CLG

Na Piarsaigh CLG, Eanach Mór

Uí Raithilligh CLG, Tailte an Choláiste

Achadha Mórdha CLG

Baile Éilís CLG

Mainistir Eimhín CLG

Nás na Ríogh CLG

Na Piarsaigh CLG, Doire Trasna

Naomh Trea CLG

Baile na nGallóglach CLG

Bealach na Leice CLG

Naomh Iósaf Eadarnaigh CLG

Mungairit Naomh Póil CLG

Peil na mBan – Pailís Ghréine CLG

Gaeil Mhaigh Eo CLG

CLG  / Ginearálta  / Príomhscéal

Scéim Deontas Fhondúireacht Sheosaimh Mhic Dhonncha Oscailte

Dara Ó Baoill Posted On March 11, 2022

Tá Glór na nGael, i gcomhar le Cumann Lúthchleas Gael, ag glacadh le hiarratais ar dheontais ó chlubanna atá cláraithe le Fondúireacht Sheosaimh Mhic Dhonncha le haghaidh babhta 1 den scéim i 2022.

Tá deontas de suas le €500 ar fáil anois do chlubanna atá rannpháirteach sa scéim teanga Fondúireacht Sheosaimh Mhic Dhonncha. Incháilithe faoin scéim deontais seo tá tionscadail agus imeachtaí a chuireann úsáid agus foghlaim na Gaeilge chun tosaigh i measc an chlubphobail. Cuirfidh an Fhondúireacht maoiniú meaitseála ón chiste ar fáil d’imeachtaí incháilithe ar bhonn €2 do gach €1 a chuireann an club féin ar fáil. Tá uasmhéid de €500 ar dheontas a thabharfar d’aon chlub sa bhabhta seo, sin €750 san iomlán le caitheamh ar thionscadal le bunsíntiús an chlub san áireamh.

Déan teagmháil leis an Oifigeach Forbartha ag Glór na nGael chun foirm iarratais a fháil maraon le heolas ar théarmaí agus ar choinníollacha na scéime. Tá an maoiniú seo ar fáil ag clubanna atá cláraithe amháin. Mar sin, moltar d’aon chlub eile a chuirfeadh suim sa deontas teagmháil a dhéanamh le Glór na nGael chun clárú leis an bhFondúireacht. Is é an Luan, 21 Márta 2022, an dáta deiridh iontrála don scéim seo.

Is scéim tacaíochta de chuid Ghlór na nGael agus de chuid Chumann Lúthchleas Gael í Fondúireacht Sheosaimh Mhic Dhonncha le haghaidh clubanna CLG ar mian leo an Ghaeilge a chur chun cinn.

CLG  / Ginearálta  / Príomhscéal

37 bonn le bronnadh ar chlubanna CLG

Dara Ó Baoill Posted On December 8, 2021

Tá 37 bonn le bronnadh ar chlubanna CLG sa bhliain úr, mar aitheantas ar a saothar leis an Ghaeilge a chur chun cinn sna gcumainn. Chuaigh an 37 club faoi mholtóireacht le gairid, mar chuid d’Fhondúireacht Sheosaimh Mhic Dhonncha, scéim aitheantais atá a reáchtáil ag Glór na nGael i gcomhar le Cumann Lúthchleas Gael.

26 bonn cré-umha, 6 bonn airgid maraon le 5 bhonn óir atá le bronnadh ar chlubanna ó fud fad oileán na hÉireann. Deir Caitríona Nic Seoin, Bainisteoir Forbartha le Glór na nGael gur ghlac ós cionn 189 club páirt sa scéim i mbliana,  

“Cuireann rannpháirteachas gníomhach na gcumainn san fhondúireacht seo go mór le feiceálacht agus le húsáid na Gaeilge i gclubanna CLG fud fad na tíre. Is cúis áthais dúinn go bhfuil éileamh láidir ar an scéim i gcónaí agus go bhfuil muid ag feiceáil torthaí na hoibre ar an talamh sna pobail ”

Is in ómós do Seosamh ‘Joe’ Mac Donncha (1953-2016) a ainmníodh an fhondúireacht seo.  Fear le háireamh a bhí i Joe a bhain go leor amach dó féin agus do phobal na tíre seo i gcoitinne le linn a shaoil. D’éirigh leis an ról is airde a bhaint amach sa Cumann Lúthchleas Gael, mar iománaí, thóg sé Corn Mhic Cárthaigh leis siar go Gaillimh agus bhí sé ina phríomhfheidhmeannach agus mar chathaoirleach ar chuid de mhór-eagraíochtaí na tíre seo, Foras na Gaeilge ina measc.

Thíos tá liosta na gclub a mbronnfar bonn orthu i bPáirc an Chrócaigh san Earrach. 
Tá tuilleadh eolais maidir le Fondúireacht Sheosaimh Mhic Dhonncha ar fáil ag www.glornangael.ie/clg

Boinn Óir:

Tuar Mhic Éadaigh CLG Co. Mhaigh Eo

Cumann Peil na mBan Maigh Cuilinn Co. na Gaillimhe

An Cheathrú Rua CLG Co. na Gaillimhe

Cárna Caiseal CLG Co. na Gaillimhe

Cumann Caide na Gaeltachta Co. Chiarraí

Boinn Airgid:

Bearna – Na Forbacha (Iománaíocht) Co. na Gaillimhe

An Ríocht CLG Co. an Dúin

Naomh Peadar CLG, An Lorgain Co. Ard Mhacha

Baile Buadáin, Naomh Éanna CLG Áth Cliath

Naomh Colmcille CLG, An Charraig Mhór Co. Thír Eoghain

An Clochán Liath CLG Co. Dhún na nGall

Boinn Cré-umha:

Cabán tSíle CLG Áth Cliath

Clanna Gael Fontenoy CLG Áth Cliath

Fánaithe Baile Buadáin CLG Áth Cliath

Na Cloigthithe CLG Áth Cliath

Naomh Barróg CLG Áth Cliath

Naomh Pádraig CLG, Domhnach Bat Áth Cliath

Sairséalaigh Leamhcáin CLG Áth Cliath

Cill Mhichíl CLG C.o an Chláir

An Ghleann CLG Co. an Dúin

Ard Ghlais CLG Co. an Dúin

Clann na Banna CLG Co. an Dúin

Baile Mhic an Aba CLG Co. Ard Mhacha

Na Piarsaigh CLG, Eanach Mór Co. Ard Mhacha

Uí Raithilligh CLG, Tailte an Choláiste Co. Ard Mhacha

Achadha Mórdha CLG Co. Chill Dara

Baile Éilís CLG Co. Chill Dara

Mainistir Eimhín CLG Co. Chill Dara

Nás na Ríogh CLG Co. Chill Dara

Na Piarsaigh CLG, Doire Trasna Co. Dhoire

Naomh Trea CLG Co. Dhoire

Baile na nGallóglach CLG Co. Dhún na nGall

Bealach na Leice CLG Co. Fear Manach

Naomh Iósaf Eadarnaigh CLG Co. Fear Manach

Mungairit Naomh Póil CLG Co. Luimnigh

Peil na mBan – Pailís Ghréine CLG Co. Luimnigh

Gaeil Mhaigh Eo CLG Co. Mhaigh Eo

CLG  / Ginearálta  / Príomhscéal

Bliots na Fondúireachta – 13ú Samhain 2021

Dara Ó Baoill Posted On November 19, 2021

Dóibh siúd a bhfuil suim acu i gcúrsaí spóirt ba lá mór é san Ardchathair Dé Sathairn an 13ú Samhain 2021.

Bhí foireann chlúiteach na Nua Shéalainne, na All Blacks, ar chuairt agus iad a tabhairt faoi fhoireann na hÉireann sa Staid Aviva, le cuma na maitheasa ar an bhfoireann bhaile tar éis dóibh buachaint ar an Seapáin an tseachtain roimh sin.

I bPáirc Parnell ar an lá céanna bhí Cluiche Ceannais Iomána Átha Cliath ar siúl idir Na Fianna agus Cill Mochuda Na Crócaigh, cluiche den chéad scoth á thuar ag na saineolaithe.

Ach bhí imeacht eile ar siúl nár tharraing an oiread sin airde ach a bhí lán chomh tábhactach i súile na ndaoine a bhí rannpháirteach. Bliots na Fondúireachta, srath de chluichí peile á n-imirt ag clubanna de chuid an CLG a bhí tar éis clárú le Fondúireacht Sheosaimh Mhic Dhonncha chun stádas na Gaeilge ina gcuid clubanna  a ardú. Ocht bhfoireann ar fad a bhí páirteach agus chruinnigh siad le chéile i gclubtheach Naomh Fionnbarrra, i gCabrach ar an dtaobh ó thuaidh den chathair go gairid tar éis am lóin.

Cuireadh failte roimh na himreoirí, agus chuir siadsan fáilte roimh an an anraith agus ceapairí a bhí curtha ar fáil ag Naomh Fionnbarra.

Bhí sé le brath go luath go raibh atmasféar cairdiúil, siamsúil agus Gaeilge á labhairt ag gach duine. Bhí daoine ag tnúth leis na cluichí, don chuid is mó ní raibh peil mheasctha le fir agus mná ag imirt le chéile imirthe ag éinne roimhe.

Cuireadh an réiteoir, Piaras, in aithne agus mheabhraigh seisean do na himreoirí go mbainfí pointí d’fhoirne dá mbeadh an Béarla le cloisteáil. Ní raibh gá, ar ndóigh, bhí gach duine ag iarraidh an Ghaeilge a úsáid.

Sa chéad cluiche thug Naomh Fionnbarra 1 aghaidh ar Fhine Ghallainn – cluiche maith cóngarach agus bhuaigh muintir Shóird 9-7 i gcoinne 6-4. Tháinig Naomh Fionnbarra 2 amach ansin agus bhuaigh siad ar Bhaile Buadáin Naomh Éanna 4-6 le 2-2.

Club iománaíochta agus camógaíochta é Setanta as Baile Munna, ach imríonn siad sa bhliots toisc go mbíonn siad ag iarraidh tacú le himeachtaí as Gaeilge. Go míámharach, bhuaigh Na Gaeil Óga orthu ina gcéad cluiche 3-2 le 2-4 (pointe amháin), an cluiche is cóngaraí i rith an lae ar fad.

Bhuaigh Caisleán Cnucha, na curaithe ó 2020, ar Naomh Barróg sa chéad cluiche eile 3-4 le 1-2.

Lean na cluichí ar aghaidh agus tar éis na cluichí cáilithe bhí na cluichí leathcheannais socraithe:

Naomh Fionnbarra 1 V Caisleán Cnucha agus Fine Ghallainn V Naomh Barróg.

Bhuaigh Fine Ghallainn agus Caisleán Cnucha agus réitigh gach duine é/í féin don chraobh.

Sa deireadh bhuaigh Fine Ghallainn éascá go leor 5-9 an aghaidh 0-6.

Bhronn Cathaoirleach Ghlór na nGael, Pat Carey agus Cathaoirleach Naomh Fionnbarra , Éilís Uí Longáin na duaiseanna ar na buaiteoirí.

Agus é ag glacadh le sciath na mbuaiteoirí, ghabh captaen Fhine Ghallain, Darragh Ó Murchú buíochas le gach duine a ghlac páirt, le Naomh Fionnbarra as na háiseanna a chur ar fáil, leis an réiteoir agsu le Glór na nGael as an mbliots a eagrú.

D’fhág gach duine slán lena chéile, tuirseach ach sásta, agus gheall go mbeidís ar ais an bhliain seo chugainn, ag Bliots na Fondúireachta -imeacht lán Ghaeilge spoírtiúil den scoth.