Ginearálta  / Príomhscéal

Tairiscint ar phlean straitéiseach

Dara Ó Baoill Posted On September 20, 2023

Tá Glór na nGael ag lorg éascaitheoir agus iad i mbun próiseas pleanála straitéisí
don tréimhse 2024 – 2028

Tá réimse leathan oibre faoi chúram Ghlór na nGael agus iad ag plé go leanúnach le;

• 100+ coiste pobail Gaeilge agus Gaeltachta
• 1000+ teaghlach atá ag tógáil a gclann le Gaeilge 
• 250+ fochumainn CLG cláraithe le scéim Fondúireacht Sheosaimh Mhic Dhonncha
• 250+ comhlachtaí faoin scéim GRADAIM
• 27 scoil lasmuigh den Ghaeltacht faoi Scéim na gCúntóirí Teanga 
• Forbairt agus díol earraí trí www.siopaudar.ie
• Taispeántais agus díol áiseanna teagaisc le Veain COGG

Beidh ar an té a roghnófar moltaí a bhailiú ar na hearnálacha thuasluaite trí suirbhé a reáchtáil agus ceardlanna a eagrú le foireann agus Bord Stiúrtha na heagraíochta.

Is i gcomhar le Ceannasaí Ghlór na nGael go n-ullmhófar dréacht phlean le cur faoi bhráid an Bhoird Stiúrtha.  

Beidh taithí agus na tréithe seo a leanas ag an té a roghnófar;

• Taithí phraiticiúil ar an bpleanáil teanga
• Tuiscint agus taithí ar earnáil na Gaeilge
• Tuiscint ar obair fhorbartha na Gaeilge sa Ghaeltacht, ó thuaidh agus ó dheas
• Obair den chineál seo curtha i gcrích cheana féin

Samhlaítear go mbeidh suas le 80 uair an chloig i gceist chun an obair seo a thabhairt chun críche.

Iarrtar ar dhaoine/chuideachtaí gur spéis leo tabhairt faoin ról seo, tairiscint a sheoladh chuig  Ceannasaí Ghlór na nGael:

lorcan@glornangael.ie roimh 28/09/2023. 

Mar chuid d’aon tairiscint beifear ag súil leis na nithe seo a leanas;

• Moladh ar chonas mar a thabharfar faoin obair agus am-chlár tuartha lena gcur i gcrích
• Cur síos ar thaithí agus ar thréithe oiriúnacha an iarrathóra
• Costas measta na hoibre bunaithe ar uasmhéid 80 uair an chloig

Ginearálta  / Príomhscéal

Conradh Tairisceana – stiúrthóir gréasáin

Dara Ó Baoill Posted On September 11, 2023

Tá Glór na nGael ag lorg stiúrthóir gréasáin cáilithe le bainistiú agus cothabháil a dhéanamh ar shuíomh gréasáin na heagraíochta i bhfoirm Comhaontú Seirbhíse.

Tá léiriú spéise á lorg, móide costas na hoibre, roimh 5.30i.n., 18 Meán Fómhair 2023.

I 2014 ceapadh Glór na nGael mar cheanneagraíocht Gaeilge, ceann den sé cheanneagraíocht maoinithe ag Foras na Gaeilge agus Roinn na Gaeltachta. Tá freagracht ar leith ag Glór na nGael i dtrí réimse oibre, forbairt na Gaeilge sa teaghlach, forbairt na Gaeilge i measc grúpaí pobail agus forbairt na Gaeilge i measc grúpaí fiontraíochta agus gnó.

Tá ceithre shuíomh gréasáin ag an eagraíocht chomh maith le aip. Tá sé mar sprioc cónascadh a dhéanamh orthu agus dhá shuíomh a bheith ag an eagraíocht.

Iarrfar ar an té a gheobhaidh an conradh seo

• Athstruchtúrú a dhéanamh ar suíomhanna na heagraíochta
• A chinntiú go mbeidh na suíomhanna gréasáin ag rith go réidh agus go héifeachtach
• Nuashonraithe a dhéanamh agus déileáil le fadhbanna de réir mar is gá
• Idirchaidreamh le haon tríú páirtithe nó cuideachta a láimhseáil de réir mar is gá
• Oiliúint agus tacaíocht a sholáthar d’fhoireann na heagraíochta de réir mar is gá

20 uair a chloig in aghaidh na míosa ar feadh tréimhse bliana atá i gceist. 

Beidh tuiscint mhaith ar an nGaeilge de dhíth ón té a rachaidh i mbun na hoibre seo.

Má tá spéis agat sa chonradh seo, seol rphost chuig Bainisteoir Cumarsáide Ghlór na nGael cumarsaid@glornangael.ie nó déan teagmháil ar 00353 83 8676063. 

Ginearálta  / Príomhscéal

Conradh tairisceana – Anailís/Iniúchadh ar struchtúr Ghlór na nGael

Dara Ó Baoill Posted On July 26, 2023

Tá Bord Stiúrtha Ghlór na nGael ag lorg duine/cuideachta cáiltihe le hanailís a dhéanamh ar oiriúnacht struchtúr na heagraíochta do na cúraimí agus na feidhmeanna atá idir lámha aici. 

Tá léiriú spéise á lorg móide costas na hoibre roimh 5.30i.n., 16 Lúnasa 2023.

I 2014 ceapadh Glór na nGael mar cheanneagraíocht Gaeilge, ceann den sé cheanneagraíocht maoinithe ag Foras na Gaeilge agus Roinn na Gaeltachta. Tá freagracht ar leith ag Glór na nGael i dtrí réimse oibre, forbairt na Gaeilge sa teaghlach, forbairt na Gaeilge i measc grúpaí pobail agus forbairt na Gaeilge i measc grúpaí fiontraíochta agus gnó.

Ón uair gur ceapadh í mar cheanneagraíocht náisiúnta Ghaeilge i 2014, tá Glór na nGael tar éis dul trí thréimhse mór fáis. Tá buiséad bliantúil de €2m measta ag an eagraíocht agus uasmhéid 42 duine fostaithe (2023), idir fostaithe lánaimseartha agus páirtaimseartha. 

Tá Glór na nGael ag lorg duine/cuideachta le hanailís a dhéanamh ar oiriúnacht struchtúr na heagraíochta do na cúraimí agus na feidhmeanna atá idir lámha aici. Iarrfar ar an té a gheobhaidh an conradh seo tuairisc a ullmhú do Bhord Stiúrtha Ghlór na nGael faoi dheireadh 2023 faoi na nithe seo a leanas;

– Oiriúnacht córas airgeadais na heagraíochta do na feidhmeanna agus spriocanna atá le baint amach

– Oiriúnacht struchtúr foirne reatha na heagraíochta ar mhaithe le feidhmeanna agus baint amach spriocanna an heagraíochta 

Beidh Gaeilge líofa de dhíth ón té a rachaidh i mbun na hoibre seo.

Má tá spéis agat sa chonradh seo, seol rphost chuig Ceannasaí Ghlór na nGael lorcan@glornangael.ie nó déan teagmháil ar 00353 87 9790193. 

Ginearálta  / Príomhscéal

Cur i láthair déanta do Theachtaí Dála i dTeach Laighean

Dara Ó Baoill Posted On June 22, 2023

Tá Ghlór na Gael tar éis cur i láthair a dhéanamh do Theachtaí Dála i dTeach Laighin inniu, 22 Meitheamh agus tá an t-eagraíocht ag lorg céimeanna nua ón Stát chun an Ghaeilge a chur chun cinn sa phobal.

Tá na céimeanna dírithe ar sealbhú teanga agus soláthar deiseanna úsáide ionas go mbeidh an féinmhuinín agus cumas ag daoine an teanga a úsáid.

Ina chaint dar teidéal “An Ghaeilge sa phobal, cad atá á dhéanamh?,” chuir Marcas Mac Ruairí, Bainisteoir Rannóg Teanga Tí le Glór na nGael,  béim ar ghníomhaíochtaí ar leith a dhéanadh difir ar an méid agus caighdeán na Gaeilge a labhraítear sa phobal.

Mhínigh sé a bhfuil ar siúl ag Glór na nGael faoI láthair:

1. Bronntar duaischiste de €80,000 + ar choistí pobail go bliantúil mar aitheantas ar an obair a dhéanann coistí pobail ag cur chun cinn na Gaeilge.
2. Tacaíocht phraicticiúil agus deiseanna oiliúna do choistí deonacha mar chuid de chóras timireachta Ghlór na nGael.
3. Tá Glór na nGael lárnach sa phróiseas, ag tacú le Foras na Gaeilge, le Bailte Seirbhíse Gaeltachta úra a fhorbairt agus a thabhairt chun críche.
4. Trí Fhondúireacht Sheosaimh Mhic Dhonncha, tá Glór na nGael i gcomhar leis an Chumann Lúthchleas Gael ag cur na teanga chun cinn i gcumainn fud fad na tíre. Mar thoradh ar an obair seo bhí Infheistíocht iomlán de €122,000 in imeachtaí Gaeilge sna cumainn i 2022.
5. Trí an Rannóg Teanga Tí, tá Glór ag tacú le teaghlaigh atá ag tógáil clainne le Gaeilge, ag tacú le agus ag cruthú líonraí pobal de theaghlaigh Ghaeilge. Le linn 2022, d’oibrigh an eagraíocht le 75 líonra agus eagraíodh 351 imeacht chuige sin.
6. Tugann an scéim Gradaim aitheantais náisiúnta don Ghaeilge sa ghnó. Rinneadh moltóireacht ar 85 gnó a ghlac páirt sa scéim le linn 2022 agus bronnadh breis agus 100 duais. Tugann scéim Gradaim aitheantas náisúnta do ghnólachtaí a sholáthraíonn leibhéal áirithe seirbhíse i nGaeilge. Ba í 2022 an chéad bhliain ag Gradaim. Tugadh cuairt ar 85 gnó rannpháirteach agus rinneadh measúnú ar chomharthaíocht, margaíochta agus brandáil agus seirbhísí i nGaeilge sna gnóthaí a fhíorú.
7. Scéim na gCúntórí Teanga an scéim is déanaí atá á reachtáil ó Ghlór na nGael. Tá próiseas earcaíochta ar bun faoi láthair chun cúntóirí teanga a chur ar fáil do 16 scoil i 9 gceantar éagsúil ó Leitir Ceanainn go Cathair Saidhbhín agus ó Chathair na Gaillimhe go Cluain Dolcáin (Bailte Seirbhísí Gaeltachta agus Líonraí Gaeilge) 

Ag paint leis an scéim, dúirt an tUasal Mac Ruairí: “Is deis iontach í do na scoileanna atá mar chuid den scéim reatha, tacaíocht bhreise a chur ar fáil agus teanga na scoláirí a fhorbairt. Ba chóir an scéim seo a leathnú amach anois chun gach gaelscoil sa tír a chlúdach. Cinnteodh sé sin sealbhú agus saibhreas teanga na ndaltaí uile agus iad ag fágáil an chóras oideachais ar ball”

Lean sé leis: “Tá géarghá le soiléiriú maidir leis an phróiseas pleanála teanga mar a bhaineann sé le Líonraí Gaeilge. Tá deontaithe reatha na Scéime Forbartha Líonraí Gaeilge ag fanacht ar an chéad ghlaoch eile do Líonraí úra.”

Ar deireadh mhol sé: “Ba chóir tabhairt faoi sheirbhís cúraim leanaí trí Ghaeilge a bhunú i mBaile Átha Cliath do pháistí roimh aois scoile chun go mbeidh páistí ó theaghlaigh Ghaeilge ábalta cúraim a fháil ina dteanga féin.”