Glór na nGael ag ainmeachadh slatan-tomhais airson Duais Cholmcille
Tha Glór na nGael air na slatan-tomhais ainmeachadh airson Duais Cholmcille, an duais a tha an fharpais a’ tairgsinn dhaibhsan a tha an sàs ann an cruthachadh cheanglaichean eadar luchd-labhairt na Gaeilge ann an Èirinn agus luchd-labhairt na Gàidhlig ann an Alba.
Tha Colmcille a’ toirt urrasachd don duais ùir. Chaidh a chur air bhonn ann an 1997 gus ceanglaichean cultarach is cànanach adhartachadh eadar an dà choimhearsnachd cànain.
‘S e amas Duais Cholmcille aithne a thoirt do dh’obair saor-thoileach a tha ag adhartachadh cheanglaichean eadar luchd-labhairt na Gàidhlig agus na coimhearsnachdan Gàidhlig ann an Èirinn agus Alba.
Tha an dà chuid, Colmcille agus Glór na nGael, an dòchas gum brosnaich e tuilleadh chothroman ionnsachaidh air gach taobh de Shruth na Maoile.
Bidh aig luchd-compàirt san fharpais ris na riatanasan a leanas a riarachadh:
• Feumaidh gach tagradh a bhith stèidhichte air a’ cheangal eadar na coimhearsnachdan Gàidhlig ann an Alba is Èirinn;
• Feumaidh tagraidhean a bhith a’ brosnachadh ceangal eadar luchd-labhairt na Gaeilge agus luchd-labhairt na Gàidhlig;
• Bu chòir do na ceanglaichean a bhith gu buannachd na dà choimhearsnachd;
• Feumaidh comataidhean bhon dà choimhearsnachd conaltradh èifeachdach eadar càch a chèile a chur air bhonn;
• Feumaidh eileamaid de dh’ionnsachadh Gaeilge ann an Alba no Gàidhlig ann an Èirinn a bhith anns a’ phrògram thagraidhean;
• Cuirear fàilte air tagraidhean bho chomataidhean no buidhnean saor-thoileach;
• Mar phàirt de bhreithneachadh na farpais, bidh e riatanach aithisg sgrìobhte fhaotainn bho luchd-compàirt;
• Feumaidh duais sam bith a bhuannaichear a bhith air a caitheamh ann an neartachadh a’ cheangail eadar an dà choimhearsnachd cànain.
Tha leth-bhreac de na slatan-tomhais agus tuilleadh fiosrachaidh mun fharpais rim faotainn bho Glór na nGael air +353 46 943 0974 no ann am post-d airfiosru@glornangael.ie.
Gach bliadhna, bidh Glór na nGael a’ buileachadh còrr agus fiach €150,000 de dhuaisean air comataidhean saor-thoileach. Tha seo dèante tro mheadhan farpais poblach far a bheil adhartachadh Gaeilge na h-Èireann mar phrìomh chuimse. Thathar a’ toirt aithne do dh’oidhirpean gach coimhearsnachd fa leth san fharpais aig seirbheis buileachaidh dhuaisean.
