Dea-chleachtas do choistí deonacha
Aithnítear fud fad an domhain go mbaineann pobail an-tairbhe as an obair dheonach a dhéanann coistí áitiúla le saibhreas agus comhghreamaíocht sóisialta a chothú agus leis an éagsúlacht a chaomhnú. Is minic nach dtugtar buíochas don obair seo ach baineann na daoine sin a thugann faoi an-sásamh as a gcuid iarrachtaí agus as fhorbairt a bpobal féin. Le tairbhe an tsaothair dheonaigh seo a uasmhéadú, is fiú do choistí a bheith eagraithe go héifeachtach agus go daonlathach.
- Tugann coistí ceannasaíocht d’obair dheonach.
- Ba chóir do na baill feidhmiú de réir bunreachta agus modhanna oibre aontaithe. Caithfidh siad bheith ar aon intinn le cuspóirí an choiste, idir ghearrthréimhse agus fhadtréimhseach.
- Má tá daoine fostaithe nó oibrithe deonacha ag coiste is ag an choiste féin, ina iomlán, a bhfuil freagracht deireannach na hoibrithe sin a stiúradh.
Iarrann coiste ar na baill rólanna/táscanna a ghlacadh a chuideoidh le feidhmiú éifeachtach an choiste. Chuige seo, ceaptar oifigigh ar leith a chinntíonn daonlathas agus dea-chleachtas.
Is iad na ceithre phríomhoifigeach iad:
1. an cathaoirleach
2. an rúnaí
3. an cisteoir
4. an t-oifigeach caidreamh poiblí
 | ||
|
| ||
|
|
