Ceapachán Ghlór na nGael
Tá Glór na nGael tar éis a fhógairt go bhfuil oifigeach forbartha nua ceaptha.
Bhí Áine Seoighe fostaithe ag Foras na Gaeilge go dtí seo ach chuaigh sí i mbun oibre le Glór na nGael inniu (16 Feabhra 2009).
Ag cur fáilte roimpi, dúirt ceannasaí Ghlór na nGael, Lorcán Mac Gabhann: “Tá an taithí ag Áine le hearnáil na Gaeilge agus is cinnte go mbeidh sé ar leas Glór na nGael duine dá thaithí bheith ar an fhoireann.
“Tá mé thar a bheith sásta fáilte a chur roimpi agus tá mé ag dréim go mór le beith ag obair léi amach anseo.
“Beidh Áine ag plé le coistí Leibhéal 1 agus le Comórtas na gCumann Gaelach sna Coláistí Tríú Leibhéal,” ar sé.
Is as Conamara ó dhúchas d’Áine Seoighe agus chaith sí 24 bliain ag obair le Foras na Gaeilge agus Bord na Gaeilge roimhe sa Rannóg Phobail agus Ghnó.
Is comórtas náisiúnta é Glór na nGael a thugann aitheantas do choistí deonacha a chuireann an Ghaeilge chun cinn.
Is féidir tuilleadh eolais ar fáil ó Ghlór na nGael ag 046 943 0974 nó le r.phost HYPERLINK "mailto:fiosru@glórnangael.ie" fiosru@glórnangael.ie.
Ráth Cairn, Áth Buí, Co na Mí.
Teil: 046 943 0974 R: fiosru@glornangael.ie
